Allu Arjun: బన్నీ మాటలతో చిరంజీవి ఫ్యాన్స్‌ ఫుల్‌ ఖుష్‌… అంతలా ఏం అన్నాడంటే?

గతంలో ఓ కార్యక్రమంలో, ఆ తర్వాత కొన్ని సందర్భాల్లో అన్న మాటలతో అల్లు అర్జున్‌కు మెగా ఫ్యామిలీ దూరం పెరిగింది అంటూ కామెంట్స్‌ వినిపించాయి, వినిపిస్తున్నాయి. దీనిపై ఎవరు ఎంతగా వివరణలు ఇచ్చినా.. ఆ డౌట్స్‌ అలానే ఉండిపోయాయి. ఎందుకు బన్నీ ఇలా మారిపోయాడు అంటూ మెగా ఫ్యాన్స్‌ ఇన్నాళ్లూ గింజుకున్నారు. బన్నీ ఫ్యాన్స్‌ అయితే కామెంట్‌ చేయలేక, గమ్మున ఉండలేక బాధపడ్డారు. అయితే వారికి రిలీఫ్‌ ఇచ్చేలా ‘బేబీ’ అభినందన సభలో అల్లు అర్జున్‌ మాట్లాడాడు. దీంతో ఫ్యాన్స్‌ ఫుల్‌ ఖుష్‌ అవుతున్నారు.

గత కొంతకాలంగా బన్నీ ఎక్కడ ఎలాంటి ఈవెంట్ లో పాల్గొన్నా చిరంజీవి ప్రస్తావన తీసుకురావడం లేదనే చెప్పాలి. అవకాశం లేకనో లేక స్పేస్‌ లేకనో వినిపించలేదు అని అంటుంటారు ఫ్యాన్స్‌. అయితే అల్లు శత జయంతి ఉత్సవాల్లో కలసి కనిపించి వాటికి ఫుల్‌ స్టాప్‌ పెట్టారని అనుకున్నారు. కానీ ఆ తర్వాత కూడా ఆ మాటలు వినిపించాయి. అయితే ఇప్పుడు ఫైనల్‌గా చెక్ పడింది అని చెప్పొచ్చు. అయితే పుకార్లు ఆగేది… నెటిజన్ల చేతిలోనే కాబట్టి చూడాలి.

‘బేబీ’ అభినందన సభ వేదిక మీద బన్నీ మాటల్లో చిరంజీవి పేరు తరచుగా వినిపించింది. ఆ సినిమా నిర్మాత ఎస్‌కెఎన్‌ ప్రస్తావన వచ్చినప్పుడు ‘అతను కట్టె కాలే వరకు చిరంజీవి ఫ్యాన్‌’ అని చెప్పాడు బన్నీ. నిజానికి ఆ అంశమే అల్లు శిరీష్ ద్వారా ఎస్‌కేఎన్‌ను తన దగ్గరికి తీసుకొచ్చేలా చేసిందని కూడా చెప్పాడు. అంతే కాదు ఎస్‌కేఎన్‌ హైదరాబాద్‌కు వచ్చిన కొత్తలో ఎక్కడ ఉంచాలో తెలియక తాను ప్రాక్టీస్ చేసుకునే చిరంజీవి డ్యాన్స్ ఫ్లోర్ లో ఒక చిన్న గదిని ఇచ్చామని కూడా బన్నీ చెప్పాడు.

దీంతో బన్నీ (Allu Arjun) మనసులో చిరంజీవి ఎప్పటికీ ఉంటారనేది తేలిపోయింది అని అంటున్నారు ఫ్యాన్స్‌. అక్కడితో బన్నీ ఈ మాటలు ఆపుంటే ఎస్‌కేఎన్‌ గురించే కదా అనుకునేవారు. కానీ ‘పుష్ప 2’ డైలాగు గురించి బన్నీ మాట్లాడుతూ ‘ఇలా చెప్పడం చిరు లీక్స్ కన్నా డేంజర్‌’ అంటూ మరోసారి చిరంజీవి ప్రస్తావన తెచ్చాడు. ఇలా మావయ్య ప్రస్తావన తేవడంతో మెగా అండ్ బన్నీ ఫ్యాన్స్ హ్యాపీగా ఫీలవుతున్నారు.

పాత్ర కోసం ఇష్టాలను పక్కన పడేసిన నటులు వీళ్లేనా..!

సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు