Allu Arjun: కోలీవుడ్ డైరెక్టర్ కు బన్నీ ఓకే చెబుతారా?

October 4, 2021 / 09:55 AM ISTByFilmy Focus

Join Us

Allu Arjun: కోలీవుడ్ డైరెక్టర్ కు బన్నీ ఓకే చెబుతారా?

ఐకాన్ స్టార్ అల్లు అర్జున్ కొత్త తరహా కథలలో నటించడానికి ఎక్కువగా ఆసక్తి చూపుతారనే సంగతి తెలిసిందే. ప్రస్తుతం పుష్ప పార్ట్1లో నటిస్తున్న బన్నీ ఈ సినిమా పూర్తైన వెంటనే ఐకాన్ సినిమాలో నటించనున్నారు. అయితే బన్నీ మురుగదాస్ కాంబో మూవీకి సంబంధించి గతంలో వార్తలు వైరల్ అయిన విషయం తెలిసిందే. ప్రేక్షకులు సైతం బన్నీ మురుగదాస్ కాంబో మూవీ కొరకు ఎదురు చూస్తున్నారు. అయితే మురుగదాస్ బన్నీ కోసం సైన్స్ ఫిక్షన్ కథను సిద్ధం చేశారని సమాచారం.

తమిళంలో స్టార్ డైరెక్టర్ గా గుర్తింపు ఉన్న మురుగదాస్ తెలుగులో తెరకెక్కించిన స్టాలిన్, స్పైడర్ సినిమాలు బాక్సాఫీస్ వద్ద ఆశించిన స్థాయిలో సక్సెస్ సాధించలేదు. సైన్స్ ఫిక్షన్ కథకు సామాజిక అంశాలను జోడించి మురుగదాస్ బన్నీతో సినిమాను తెరకెక్కించనున్నారని తెలుస్తోంది. భారీ లెవెల్ లో ఈ సినిమా తెరకెక్కనుందని సమాచారం. అటు బన్నీ ఇటు మురుగదాస్ ఇప్పటివరకు ఈ తరహా కథలను ఎంచుకోలేదు. బన్నీతో భారీ ప్రయోగం చేయడానికి మురుగదాస్ సిద్ధమయ్యారని తెలుస్తోంది.

ఈ సినిమాకు సంబంధించి మరిన్ని వివరాలు తెలియాల్సి ఉంది. మురుగదాస్ ఈ సినిమాను భారీ లెవెల్ లో ప్లాన్ చేస్తున్నారని సమాచారం. అయితే ఈ సినిమాకు సంబంధించి అధికారిక ప్రకటన రావాల్సి ఉంది. పుష్ప ఫస్ట్ పార్ట్ డిసెంబర్ నెల 17వ తేదీన రిలీజ్ కానుండగా సుకుమార్ బన్నీకి పుష్ప మూవీతో ఇండస్ట్రీ హిట్ ఇవ్వాలని భావిస్తున్నారు. రంగస్థలం తర్వాత సుకుమార్ దర్శకత్వం వహిస్తున్న సినిమా ఇదే కావడం గమనార్హం.