Pushpa 2 Vs NBK 109: బన్నీ – బాలయ్య.. మళ్లీ రిపీట్‌ చేస్తున్నారా? బాబీ సినిమా అప్పుడేనా?

అందరూ ‘పుష్ప: ది రైజ్‌’ (Pushpa) సినిమా వాయిదా పడింది అనే ఆలోచనలో ఉన్నారు. ఆగస్టు 15 లాంటి బెస్ట్‌ రిలీజ్‌ డేట్‌ మిస్‌ చేసుకున్నారు అనే చర్చ సాగుతోంది. ఎందుకంటే లాంగ్‌ వీకెండ్‌, పబ్లిక్‌ హాలీడే ఉంది అని అంటున్నారు. ఆ విషయాలు అన్నీ కరెక్టే. అయితే ఇప్పుడు సినిమాకు ఇచ్చిన కొత్త డేట్‌లో భలే హిట్‌ లాజిక్‌ ఉంది. అయితే మరో సినిమా కూడా అదే నెలలో రిలీజ్‌ అవ్వాల్సి ఉంటుంది. అది నందమూరి బాలకృష్ణ సినిమా.

మూడేళ్ల క్రితం అంటే 2021.. అప్పుడే కరోనా పరిస్థితుల నుండి ప్రజలు బయటకు వస్తున్నారు. అప్పుడే రెండు సినిమాలు రిలీజ్‌ అయ్యాయి. రెండూ పెద్ద హీరోల సినిమాలే. అయితే రెండూ భారీ విజయం అందుకున్నాయి. ఇప్పుడు మరోసారి ఆ ఇద్దరు హీరోలు సేమ్‌ నెలలో వస్తున్నారు అని టాక్‌ నడుస్తోంది. ఇప్పటికే ‘పుష్ప: ది రూల్‌’ (Pushpa 2) సినిమా వాయిదా పడి డిసెంబరు నెలకు వచ్చేసింది. అలాగే బాలయ్య 109వ సినిమాను కూడా అదే నెలకు ఫిక్స్‌ చేస్తున్నారట.

నంద‌మూరి బాల‌కృష్ణ (Balakrishna) – బాబీ (Bobby) కాంబినేషన్‌లో తెరకెక్కుతున్న సినిమా షూటింగ్ శ‌ర‌వేగంగా జరుగుతోంది. ఇటీవ‌ల బాలయ్య పుట్టిన రోజు సందర్భంగా టీజ‌ర్ గ్లింప్స్ కూడా రిలీజ్ చేశారు. అయితే సినిమా టైటిల్‌, రిలీజ్‌ డేట్‌ ఇంకా ప్రకటించలేదు. ఈ క్రమంలో సినిమా డిసెంబరు మూడో వారంలో రిలీజ్‌ చేస్తారు అనే చర్చ ఒకటి నడుస్తోంది. ఒకవేళ ఇదే జరిగితే 2021 ఫీట్‌ మరోసారి రిపీట్‌ అవుతుందని ఫ్యాన్స్‌ సంబరపడుతున్నారు.

అయితే, బాలయ్య సినిమా రిలీజ్‌ డేట్‌ విషయంలో చాలా లెక్కలు ఉన్నాయట. మిగిలిన స్టార్‌ హీరోల సినిమాలతో ప్లాన్‌ చేసుకుని బాలయ్య సినిమా రిలీజ్‌ డేట్‌ ఫిక్స్‌ చేయాలని నిర్మాత అనుకుంటున్నారట. అందుకే ఇంకా రిలీజ్‌ డేట్ అనౌన్స్‌ చేయడం లేదు. అన్నీ తేలితే డిసెంబరులో రావొచ్చు, ఒకవేళ లేదంటే సంక్రాంతి సీజన్‌ను టార్గెట్‌ చేశారట. చూడాలి. మరి 2021 డిసెంబరు రిపీట్ అవుతుందా? లేక 2023 పొంగల్‌ సీజన్‌ రిపీట్‌ అవుతుందా అనేది చూడాలి?