అల్లు అర్జున్ పుష్ప షూటింగ్ సెట్స్ లో జాయిన్ కావడానికి సిద్ధంగా ఉన్నారు. గత ఐదు నెలలుగా బన్నీ లాక్ డౌన్ కారణంగా ఇంటికే పరిమితం అవుతున్నారు. దర్శకుడు సుకుమార్ పుష్ప షూటింగ్ కోసం లొకేషన్స్ వెతికే పనిలో ఉన్నారు. కేరళలో ఈ మూవీ నెక్స్ట్ షెడ్యూల్ ప్లాన్ చేశారు సుకుమార్. కరోనా రాకతో ఆ ప్లాన్ చెడిపోయింది. దీనితో తెలుగు రాష్ట్రాలలో ఉన్న అడవులలోనే పుష్ప షూటింగ్ ప్లాన్ చేస్తున్నట్లు సమాచారం అందుతుంది.
కాగా ఈ మూవీలో బన్నీ కోసం అదిరిపోయే ఓ యాక్షన్ సీక్వెన్స్ రాశారట సుకుమార్. ఓ సన్నివేశంలో బన్నీ ఏకంగా పులితో తలపడతాడట. సాహసోపేతమైన పులి ఫైట్ ని సుకుమార్ విజువల్ ట్రీట్ గా తెరకెక్కించనున్నారని తెలుస్తుంది. రెడ్ శాండిల్ స్మగ్లింగ్ నేపథ్యంలో తెరకెక్కే ఈ మూవీలో బన్నీ లారి డ్రైవర్ గా కనిపించనున్నారు. దీనితో మూవీ ప్రధాన భాగం దట్టమైన అడవులోనే సాగుతుందట. ఎన్నో ఆసక్తికర అంశాలతో సుకుమార్ మూవీని సిద్ధం చేయనున్నారు.
ఇక ఈ మూవీతో బన్నీ బాలీవుడ్ ఎంట్రీ ఇవ్వడం మరో విశేషం. హిందీతో పాటు తెలుగు, తమిళ్, మలయాళ భాషలలో పుష్ప గ్రాండ్ గా విడుదల కానుంది. అన్నీ అనుకున్నట్లు జరిగితే ఇప్పటికే 50శాతం షూటింగ్ పూర్తి అయ్యేది. మైత్రి మూవీ మేకర్స్ నిర్మిస్తున్న ఈ మూవీలో రష్మిక మందాన హీరోయిన్ గా నటిస్తుండగా దేవిశ్రీ సంగీతం అందిస్తున్నారు.
Most Recommended Video
బిగ్‌బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
