సమంతకు ఆ విషయంలో శిక్షణ ఇవ్వనున్న అల్లు అర్జున్

తెలుగు చిత్ర పరిశ్రమలో అద్భుతంగా డ్యాన్స్ వేయడంలో అల్లు అర్జున్ ఒకరు. అతనితో స్టెప్పులు వేయడానికి హీరోయిన్స్ తెగ కంగారు పడిపోతుంటారు. ప్రతి సినిమాలో.. ప్రతి సాంగ్ లో కొత్త స్టెప్స్, మూవ్ మెంట్స్ ఉండాలని కొరియోగ్రాఫర్స్ కి బన్నీ టార్గెట్ కూడా ఇస్తుంటారు. అతని గత సినిమా నా పేరు సూర్యలోను అదిరే స్టెప్స్ వేశారు. ముఖ్యంగా “లవర్ ఆల్సో.. ఫైటర్ ఆల్సో” అనే పాటలోని బన్నీ క్యాప్ తో చేసిన డ్యాన్స్ స్టెప్ అయితే యువతీయువకులను బాగా ఆకట్టుకుంది. బన్నీని అనుకరిస్తూ వీడియోలు కూడా చేశారు. ఈ స్టెప్ క్యూట్ బ్యూటీ సమంతకు కూడా బాగా నచ్చిందంట. ఆ విషయాన్ని ట్విట్టర్ వేదికపై పంచుకుంది. “నేను క్యాప్ స్టెప్ వేయాలని గత మూడు గంటలుగా నా ఇంట్లో ప్రయత్నిస్తున్నా.. అయినా వేయలేకపోతున్నా.

ఈ స్టెప్ వేసిన ‘బన్నీ కి నమస్కారం” అంటూ పోస్ట్ చేసింది. ఈ ట్వీట్ చూసిన అల్లు అర్జున్ స్పందించారు. తన ప్రతిభని అభినందించినందుకు కృతజ్ఞతలు తెలిపారు. “ఒక చిన్న ట్రిక్ ఫాలో అయితే ఈ స్టెప్ వేయడం చాల సులువు. సమంత కోరుకుంటే నేను ఆ స్టెప్ విషయంలో కోచ్ గా మారుతాను” అని అల్లు అర్జున్ సమంతకు రీ ట్విట్ చేసారు. వీరి మధ్య జరిగిన సంభాషణను చదువుకుంటూ అభిమానులు నవ్వుకుంటున్నారు. సమంత… అల్లు అర్జున్ గురించి ప్రస్తావించిందంటే.. అతనితో మళ్ళీ కలిసి నటించబోతోందా? అని సినీ విశ్లేషకులు సందేహాన్ని వ్యక్తం చేశారు.