‘అల్లు అర్జున్ 20’ లేటెస్ట్ అప్డేట్..!

అల్లు అర్జున్ ప్రస్తుతం త్రివిక్రమ్ డైరెక్షన్లో ‘అల వైకుంఠపురములో’ అనే చిత్రం చేస్తున్నాడు. 2020 జనవరి 12న సంక్రాంతి కానుకగా ఈ చిత్రం విడుదల కాబోతుంది. ప్రస్తుతం ఈ చిత్రం పోస్ట్ ప్రొడక్షన్ పనులు జరుగుతున్నాయి. ఈ చిత్రం ఆడియో సూపర్ హిట్ కావడంతో బ్లాక్ బస్టర్ పక్కా… అని ప్రేక్షకులు ఫిక్స్ అయిపోయారు. తమన్ సంగీతం అందించిన ఈ చిత్రంలో పూజా హెగ్దే హీరోయిన్ గా నటించింది. ఇక ఈ చిత్రం పూర్తయిన వెంటనే సుకుమార్ డైరెక్షన్లో తన 20 వ చిత్రం చేయబోతున్నాడు బన్నీ.

దాదాపు 10 ఏళ్ళ తరువాత వీరిద్దరి కాంబినేషన్లో రాబోతున్న చిత్రం కావడంతో అంచనాలు భారీగానే ఏర్పడ్డాయి. ఇదిలా ఉండగా.. అప్పుడే ఈ చిత్రం మొదటి షెడ్యూల్ ను పూర్తిచేసుకుందట. కేరళలోని దట్టమైన అడవుల ప్రాంతంలో మొదటి షెడ్యూల్ ను కంప్లీట్ చేసేసారట. అయితే ఈ షెడ్యూల్ లో బన్నీ పాల్గొనలేదు. తరువాతి షెడ్యూల్ లో ఆయన జాయిన్ అవుతాడని సమాచారం. శరవేగంగా ఈ చిత్రాన్ని కంప్లీట్ చెయ్యాలని సుకుమార్ భావిస్తున్నాడట. ‘మైత్రి మూవీ మేకర్స్’ వారు నిర్మిస్తున్న ఈ చిత్రానికి దేవి శ్రీ ప్రసాద్ సంగీత దర్శకుడు.