Allu Arjun: అప్పుడు కూడా అల్లు అర్జున్ అలా బ్లాక్ మెయిల్ చేశాడట.. కానీ?

అల్లు అర్జున్ (Allu Arjun) – సుకుమార్ (Sukumar)  కాంబినేషన్ అంటే ప్రేక్షకుల్లో ప్రత్యేకమైన అంచనాలు ఉంటాయి. ఇద్దరూ ‘ఆర్య’ (Aarya) తో పెద్ద సక్సెస్ అందుకుని స్టార్స్ అయ్యారు. ‘ఆర్య 2’ (Arya 2) పర్వాలేదు అనిపించారు. ‘పుష్ప’ (Pushpa: The Rise) తో పాన్ ఇండియా ఫాలోయింగ్ దక్కించుకున్నారు. కాబట్టి.. ‘పుష్ప 2’ (Pushpa 2: The Rule) పై మొదటి నుండి భారీ అంచనాలు నెలకొన్నాయి. చెప్పుకోడానికి పైకి ఇవన్నీ బాగానే ఉంటాయి. హిట్ కాంబినేషన్ కి ఉన్న అడ్వాంటేజ్ ఏంటంటే.. సినిమాలో ఎన్ని లోపాలు ఉన్నా, జనాలు పట్టించుకోరు.

‘ఓకే గ్రాంటెడ్’ అని సింపుల్ గా అనేస్తారు. కానీ బయట వ్యవహారాలు అలా ఉంటాయా అంటే కచ్చితంగా చెప్పలేం. ‘పుష్ప’ సక్సెస్ మీట్లో ‘నాకు ఈ ఇమేజ్ ఉంది సుకుమార్ వల్లే’ అన్నాడు అల్లు అర్జున్. మొన్నటికి మొన్న ‘ ‘ఆర్య’ 20 ఏళ్ళ వేడుకలో ‘సుక్కు లేకపోతే నేను లేను’ అన్నాడు. పైకి ఇలానే కనిపిస్తాయి. కానీ ఇన్సైడ్ లెక్కలు వేరుగా ఉంటాయి. ఇప్పుడు ‘పుష్ప 2’ షూటింగ్ ఆగిపోయింది.

దానికి కారణం ఎవరు అంటే అంతా అల్లు అర్జున్ పేరు చెబుతున్నారు. కానీ వాస్తవానికి కారణం సుకుమార్ అనేది చాలా మందికి తెలియని వ్యవహారం. ‘సుకుమార్ ఏదీ తొందరగా తెవల్చడు’ అని ఇండస్ట్రీలో అతనితో పనిచేసిన వాళ్లంతా చెబుతున్న మాట. హీరో ఓ సినిమాకి ఎంత వరకు డేట్స్ ఇస్తాడు? హీరో అనే కాదు ఏ నటీనటులైన సరిపడగా డేట్స్ ఇస్తారు. కానీ అగ్రిమెంట్లు బ్రేక్ చేసి ఎక్కువ డేట్స్ ఇవ్వమంటే ఎలా కుదురుతుంది.అల్లు అర్జున్ కి సుకుమార్ వల్ల ఎదురైన సమస్య ఇదే.

అందుకే అనుకున్న టైంకి సినిమా రిలీజ్ చేయకపోతే ‘హెయిర్ కట్ చేయించుకుంటాను, తర్వాత విగ్గుతో షూటింగ్ చేయాల్సి ఉంటుంది’ అంటూ సుకుమార్ ని ‘పుష్ప’ మొదటి భాగం షూటింగ్లో బ్లాక్ మెయిల్ చేసాడట అల్లు అర్జున్. ఇక పార్ట్ 2 విషయంలో కూడా ‘సుకుమార్ ల్యాగ్’ తట్టుకోలేక గడ్డం తీసేశాడు. అతను కూడా ఎన్నాళ్ళు అని భరిస్తాడు. ఇలాంటి విషయాలు బయటకు తెలీవు. అందుకే ఒక సైడ్ మాత్రమే అంతా వేలెత్తి చూపుతున్నారు.