సరైనోడు తర్వాత అల్లు అర్జున్… హరీశ్ శంకర్ దర్శకత్వంలో ‘దువ్వాడ జగన్నాథం’ సినిమా చేస్తున్నారు. గత నెల విడుదలయిన ఈ సినిమా ఫస్ట్ లుక్, టీజర్ చూసిన వారంతా మరో హిట్ ని స్టైలిష్ స్టార్ తన ఖాతాలో వేసుకుంటారని అభిప్రాయం వ్యక్తం చేస్తున్నారు. కామెడీ, యాక్షన్ సమపాళ్లలో కలిసిన ఈ మూవీ మే రెండవ వారంలో రిలీజ్ కానుంది. దీని తర్వాత రచయిత వక్కంతం వంశీ దర్శకత్వంలో బన్నీ నటిస్తారనే వార్తలు కొంతకాలంగా వినిపించాయి. ఆ విషయం నిజమని ఈరోజు స్పష్టమయింది. బన్నీ పుట్టినరోజు సందర్భంగా ఆయనకు శుభాకాంక్షలు తెలియజేస్తూ తదుపరి సినిమా విశేషాలతో కూడిన పోస్టర్ ని రిలీజ్ చేశారు.
శిరీషా శ్రీధర్ లగడపాటి నిర్మిస్తోన్న ఈ సినిమాకి బన్నీ వాసు కూడా నిర్మాణంలో భాగం పంచుకుంటున్నారు. కె నాగేంద్రబాబు సమర్పిస్తున్న ఈ చిత్ర పోస్టర్ లో టైటిల్ ను మాత్రం వెల్లడించలేదు. ‘నా పేరు సూర్య నా ఇల్లు ఇండియా’ అనే పేరును చిత్ర బృందం పరిశీలిస్తున్నట్టుగా సమాచారం. ఖారైనా వెంటనే వెల్లడిస్తారు. విశాల్ – శేఖర్ సంగీతాన్ని అందిస్తున్న ఈ మూవీ అతి త్వరలో సెట్స్ పైకి వెళ్లనుంది.
Also, do SUBSCRIBE to our YouTube channel to get latest Tollywood updates.
