చిట్టిబాబుగా చరణ్ సూపర్ సక్సెస్, మరి బన్నీ సంగతేమవుతుందో..

అల వైకుంఠపురంలో సినిమాతో ఇండస్ట్రీ హిట్ అందుకున్న అల్లు అర్జున్ త్వరలో సుకుమార్ దర్శకత్వంలో తెరకెక్కనున్న మూవీ షూటింగ్ లో పాల్గొననున్నాడు. కేరళలో ఈ చిత్రానికి సంబందించిన సెకండ్ షెడ్యూల్ మొదలుకానుంది. ఈ మూవీ రోల్ కోసం బన్నీ జుట్టుతో పాటు, గడ్డం కూడా పెంచేశాడు. ఇదంతా ఆయన ఈ చిత్రంలో చేస్తున్న డీ గ్లామర్ రోల్ కోసమే. ఊర మాస్ లారీ డ్రైవర్ గా కనిపించనున్న బన్నీ, ఈ పాత్రకోసం అన్ని విధాలుగా సన్నధం అవుతున్నారు. రాయలసీమ మాండలికం కూడా ఆయన నేర్చుకుంటున్నారు. ఐతే బన్నీకి ఈ రోల్ చాల ఛాలెంజ్ అని చెప్పాలి.

సుకుమార్ గత చిత్రం రంగస్థలం బ్లాక్ బస్టర్ హిట్ కాగా అందులో చిట్టిబాబు గా చరణ్ నటన ప్రత్యేకంగా నిలిచింది. చదువు సంధ్య లేని పల్లెటూరి చెవిటి చిట్టిబాబుగా చరణ్ ఆ పాత్రలో జీవించాడు. కాగా సుకుమార్ బన్నీ రోల్ కూడా ఇంచు మించు ఇలానే డి గ్లామర్ షేడ్స్ తో డిజైన్ చేస్తున్నాడు. కాకపోతే చరణ్ చేత గోదావరి మాండలికంలో పలికించిన ఆయన బన్నీతో రాయలసీమ యాసలో మాట్లాడించనున్నాడు. ఈ రెండు చిత్రాలకు దర్శకుడుగా సుకుమార్ వ్యవహరిస్తున్న నేపథ్యంలో ఈ రెండు పాత్రల మధ్య పోలికలు అనేవి రావడం ఖాయం. ఆల్రెడీ చరణ్ చిట్టి బాబుగా సూపర్ సక్సెస్ అయ్యాడు కాబట్టి బన్నీ పెరఫార్మెన్సు ఏమాత్రం తగ్గినా ఎత్తేయడం ఖాయం. కాబట్టి సుకుమార్ సినిమాలో రోల్ బన్నీకి పెద్ద సవాలే..

Most Recommended Video