అల్లు అరవింద్‌ని అందరూ ఏస్‌ ప్రొడ్యూసర్ అంటుంటారు. సీనియర్‌ ప్రొడ్యూసర్ కదా అని అలా అనొచ్చు. అయితే కొంతమంది తలరాతను మార్చే నిర్మాత, ఇంకొందరికి ట్రాక్‌ను మార్పించిన ప్రొడ్యూసర్ అని చెప్పాలి. ముఖ్యంగా టాలీవుడ్‌లో అక్కినేని యువ హీరోలకు అల్లు అరవింద్ హ్యాండ్‌ బాగా కలిసొస్తుందనే చెప్పాలి. అప్పుడెప్పుడో నాగచైతన్యకు సరైన హిట్‌ ఇచ్చిన గీతా ఆర్ట్స్‌… ఇప్పుడు అఖిల్‌ని ట్రాక్‌ ఎక్కించింది. ‘జోష్‌’తో టాలీవుడ్‌లో ఎంట్రీ ఇచ్చాడు నాగచైతన్య. ఆ సినిమా ఆశించిన విజయం సాధించలేదు. దీంతో రెండో సినిమా ‘ఏ మాయ చేసావె’ మీద అందరి చూపు పడింది.
ఆ సినిమా మంచి ప్రేమకథగా నిలిచింది. అయితే ఎక్కడో చిన్న లోటు అయితే ఉండిపోయింది అభిమానుల్లో. దానిని క్లియర్‌ చేసిన సినిమా ‘100 % లవ్‌’. ఈ సినిమాను నిర్మించింది గీతా ఆర్ట్స్‌. ఇప్పుడు అఖిల్ సంగతికొద్దాం. ‘అఖిల్’ సినిమాతో టాలీవుడ్‌లోకి హీరోగా వచ్చాడు అఖిల్. ఆ సినిమా బాక్సాఫీసు దగ్గర దారుణ పరాజయం చవిచూసింది. ఆ తర్వాత చేసిన ‘హలో’, ‘మిస్టర్‌ మజ్ను’ చేశాడు. ఆ సినిమాల ఫలితం కూడా సేమ్‌. దీంతో సరైన సినిమా పడితే బాగుండు అనుకుంటున్నప్పుడు అఖిల్ నెక్స్ట్‌ సినిమా…
గీతా ఆర్ట్స్‌తో సినిమా అని తేలింది. బొమ్మరిల్లు లాంటి సినిమా ఇండస్ట్రీలో గ్రాండ్‌ మార్క్‌ వేసిన భాస్కర్‌తో ఆ సినిమా అని చెప్పారు. అఖిల్ – గీతా ఆర్ట్స్‌ – బొమ్మరిల్లు భాస్కర్‌ కాంబినేషన్‌లో చాలా రోజుల క్రితమే మొదలైంది. కరోనా – లాక్‌డౌన్‌ కారణంగా సినిమా ఆగుతూ వచ్చింది. ఓటీటీ డీల్‌ వచ్చినా ఎందుకు అల్లు అరవింద్, నాగార్జున ఓకే చెయ్యేలేదో అర్థం కాలేదు. అయితే సినిమా వచ్చి ఫలితం చూశాక… ఓటీటీ రిజక్ట్‌ ఎందుకు అనేది తేలిపోయింది. మంచి వసూళ్లతో సినిమా దూసుకుపోతోంది.
Most Recommended Video
మహా సముద్రం సినిమా రివ్యూ & రేటింగ్!
ఒక్కో సినిమాకు ఈ స్టార్ హీరోలు ఎంతెంత డిమాండ్ చేస్తున్నారో తెలుసా?
టాలీవుడ్ లో బి.టెక్ చదువుకున్న 10 మంది లిస్ట్..!
