పవర్ స్టార్ పవన్ కళ్యాణ్ తాజాగా ఇచ్చిన ఓ ఇంటర్వ్యూలో టీడీపీ ఎంపీల పని తీరుపై కాస్త అసహనం వ్యక్తం చేస్తూ.. ఎంపీల పని తీరు అంత ఎఫెక్టివ్ గా లేదని ఓ వ్యాఖ్య చేశారు. ఇప్పుడీ వ్యాఖ్యపై గుంటూరు టీడీపీ ఎంపీ గల్లా జయదేవ్ స్పదించారు. టీడీపీ ఎంపీలు రాష్ట్రాభివృద్ధి కోసం పని చేయలేదని పవన్ కళ్యాణ్ వ్యాఖ్యానించడం సమంజసం కాదని అన్నారు. తాము ఏ విధంగా రాష్ట్రాభివృద్ధికి కృషి చేస్తున్నామో పవన్ కళ్యాణ్ ను కలిసి వివరిస్తామని కూడా చెప్పారు. దీంతో పాటు బిజెపి బంధం గురించి మాట్లాడినాయన.. 2019 సాధారణ ఎన్నికల వరకు బీజేపీతో పొత్తు ఖచ్చితంగా ఉంటుందని, అయితే ఆ తర్వాత ఏం జరుగుతుందో తనకు తెలియదని తేల్చి చెప్పారు.
