అమలా పాల్ సంచలన కామెంట్లు.. తన భర్త కోసమేనా?

కెరీర్ పీక్స్ లో ఉన్న సమయంలో కోలీవుడ్ దర్శకుడు ఏఎల్ విజయ్ ను ప్రేమ వివాహం చేసుకుని సినిమాలను తగ్గించింది అమలా పాల్. 2014లో వీరిద్దరి వివాహం చేసుకున్నారు. అయితే ఆ తరువాత మనస్పర్థలు రావడంతో 2017లో విడాకులు తీసుకున్నారు. అసలు వీరిద్దరూ విడిపోవడం పై అప్పట్లో అనేక కథనాలు పుట్టుకొచ్చాయి. ఇక విజయ్ తో విడిపోయాక మళ్ళీ సినిమాల్లో బిజీగా మారింది అమల. ఈమద్యే ‘ఆడై’ అనే చిత్రం టీజర్ లో నగ్నంగా కనిపించి సంచలనం సృష్టించిన సంగతి తెలిసిందే. తెలుగులో ‘ఆమె’ పేరుతో ఆ చిత్రం విడుదల కాబోతుంది. ఇదిలా ఉండగా.. ఇటీవల తాను రెండో పెళ్ళి చేసుకోబోతున్నట్లు అమల మాజీ భర్త, దర్సకుడు విజయ్ ప్రకటించాడు. ఇండస్ట్రీ కి సంబంధం లేని డాక్టర్ ఐశ్వర్య అనే అమ్మాయిని విజయ్ వివాహం ఈ నెలలోనే జరుగనుంది.

ఈ దశలో అమలా పాల్ చేసిన ఓ ట్వీట్ విజయ్ ను ఉద్దేశించే విధంగా ఉందని కొందరు నెటిజన్లు చర్చించుకుంటున్నారు. అసలు ఈ ట్వీట్లో ఏముందంటే.. ” నేను పోరాడతాను.. తట్టుకుని నిలబడతాను.. ఎన్ని అవాంతరాలు ఎదురైనా ధైర్యాన్ని కోల్పోను. నా పై నాకున్న నమ్మకమే నా బలం.. స్వేచ్ఛగా సంతోషంగా జీవించడం నాకు తెలుసు” అంటూ ట్వీట్ లో పేర్కొంది. అయితే ఈ ట్వీట్ చివర్లో ‘ ‘ఆమె’ చిత్రంలో నా పాత్ర ఇదే’ అంటూ ఓ లైన్ కూడా రాసింది. అమల సినిమా పేరు చెప్పి కవర్ చేసింది కానీ ఈ ట్వీట్ లో ఉన్న కామెంట్స్ మొత్తం తన మాజీ భర్త విజయ్ కు కౌంటర్ ఇచ్చినవే అంటూ కొందరు నెటిజన్లు కామెంట్స్ పెడుతుండడం పెద్ద చర్చనీయాంశం అయ్యింది.