Ameer Log Review in Telugu: అమీర్ లోగ్ సినిమా రివ్యూ & రేటింగ్!

ఒకరోజు చాచ ఏదొక పనిచేసి సొంతంగా సంపాదిస్తే కుటుంబంలోనూ, సంఘంలోనూ మర్యాద ఉంటుంది అని చెబుతాడు. చాచ మాటల్ని సీరియస్ గా తీసుకున్న శ్రీను .. గీత సాయంతో ఆమె కంపెనీలో ఆఫీస్ బాయ్ గా చేరతాడు. అతన్ని చూసి మంచిగా మారి మల్లేష్ క్యాబ్ నడుపుతాడు, రఫీక్ ఒక మెకానిక్ షెడ్ పెట్టుకుంటాడు. ఒకరోజు శ్రీను కార్పొరేట్ కంపెనీ ఎంప్లాయిస్ తో కలిసి తమ గల్లీ పొరోళ్ళతో క్రికెట్ ఆడి గెలవమని పందెం కడతాడు. మరి ఆ పందెంలో శ్రీను అండ్ టీం గెలిచిందా? ఆ తర్వాత వీళ్ళు బిర్యానీ షాప్ ఎందుకు స్టార్ట్ చేయాల్సి వచ్చింది? రవి(రవణ్ నిట్టూరు) వల్ల శ్రీను అండ్ ఫ్రెండ్స్ కి జరిగిన అన్యాయం ఏంటి? చివరికి వీరి జీవితాలు ఏమయ్యాయి అనేది మిగిలిన కథ.

నటీనటుల పనితీరు: వేద జలంధర్ గీత పాత్రలో బాగా చేసింది. మొన్నామధ్య వచ్చిన తిమ్మరాజుపల్లి టీవీ సినిమాలో రాయలసీమ యాసలో మాట్లాడి మెప్పించిన ఈమె .. అమీర్ లోగ్ సినిమాకి వచ్చేసరికి పూర్తిగా తెలంగాణ అమ్మాయిలా మారి సర్ప్రైజ్ చేసింది. అంతేకాదు కార్పొరేట్ ఎంప్లాయ్ గా చాలా పాష్ గా కూడా కనిపించింది. ఇందులో భాగంగా స్మోకింగ్ ఎపిసోడ్స్ లో, అలాగే బీర్లు తాగుతూ బోల్డ్ గా కూడా కనిపించింది అని చెప్పాలి. శ్రీను పాత్ర చేసిన ఎంసీ హరి బాగా చేశాడు. ఇతని పాత్ర వల్లే కథ మలుపులు తిరుగుతూ ఉంటుంది. మనోజ్, శశిధర్ బాగానే చేశారు కానీ.. వీళ్ళకి ఎందుకో ఎక్కువ క్లోజప్ షాట్స్ వేయలేదు. గీత లవర్ గా రవణ్ నిట్టూరు బాగానే చేశాడు. చాచ పాత్ర రూపంలో విశ్వేశ్వర్ రెడ్డికి చాలా రోజుల తర్వాత నిడివి ఎక్కువగల పాత్ర లభించింది అని చెప్పాలి. మిగతా నటీనటుల పాత్రలు అంతగా రిజిస్టర్ కావు.

సాంకేతిక నిపుణుల పనితీరు: హైదరాబాదీ అంటే ఓల్డ్ సిటీ(పాత బస్తీ) బ్యాక్ డ్రాప్ లో చాలా సినిమాలు వచ్చాయి. ఒక్కడు నుండీ చూసుకుంటే ఇటీవల వచ్చిన దీవానా వంటి హిట్ సినిమాలు హైదరాబాదీ బ్యాక్ డ్రాప్ లో తెరకెక్కినవే. పాత బస్తీ అనగానే అక్కడ ఎక్కువ శాతం జనాలు ఉర్దూ మాట్లాడతారు. కానీ ఆ సినిమాల్లో అక్కడక్కడ ఉర్దూ టచ్ ఇస్తూ.. కామన్ ఆడియన్స్..ని ఇబ్బంది పెట్టకుండా ఆర్టిస్టుల బాడీ లాంగ్వేజ్ ఉంటుంది. కానీ ఈ ‘అమీర్ లోగ్’ విషయానికి వస్తే ఎక్కువ శాతం ఉర్దూ టచ్ ఉంటుంది. హిందీ సినిమాలు ఎక్కువగా చూసేవాళ్ళకి.. అది పెద్ద ఇబ్బందిగా అనిపించదు. కానీ మిగతా ప్రేక్షకులు కనెక్ట్ అవ్వడానికి టైమ్ పట్టొచ్చు.

అది పక్కన పెడితే.. ఫస్ట్ హాఫ్ క్యారెక్టర్స్ ఇంట్రడక్షన్..తోనే మేజర్ పోర్షన్ ఉంటుంది. కొన్ని చోట్ల హ్యూమర్ బాగానే పండింది. మెయిన్ కాన్ఫ్లిక్ట్ పాయింట్ ను దర్శకుడు ఫస్ట్ హాఫ్ లో టచ్ చేయలేదు. సెకండాఫ్ లో బిర్యానీ ఎపిసోడ్ వచ్చిన తర్వాత.. విశ్వేశ్వర్ రెడ్డి పాత్రతో ఎమోషనల్ టచ్ ఇచ్చే ప్రయత్నం చేశారు. సినిమాటోగ్రఫీ, మ్యూజిక్, సౌండ్ డిజైన్ వంటివి ఈ సినిమాకి ప్రధాన బలాలు అని చెప్పాలి.

విశ్లేషణ: నేటివిటీ పరంగా అమీర్ లోగ్ ఒక కొత్త ఎక్స్పీరియన్స్ ఇస్తుంది. కాకపోతే ఇది అందరి ప్రేక్షకులకు చేరువవుతుందా? అంటే కచ్చితంగా అవునని చెప్పలేని పరిస్థితి.

ఫోకస్ పాయింట్: సిన్సియర్ అటెంప్ట్

రేటింగ్: 2.75/5