Ameesha Patel, NTR: ట్వీట్‌లో తప్పు చేసి ట్రోల్‌ అవుతున్న అమీషా పటేల్‌!

సోషల్‌ మీడియాలో ముఖ్యంగా ట్విటర్‌లో పోస్ట్‌లు చేసేటప్పుడు చాలా జాగ్రత్తగా ఉండాలి. ఎందుకంటే అందులో తప్పు రాస్తే ఎడిట్‌ చేసే అవకాశం ఉండదు. దీంతో చాలా ఇబ్బందులు వస్తుంటాయి. సగటు నెటిజన్‌ పరిస్థితి పక్కన పెడితే.. సెలబ్రిటీల విషయంలో ఇది ఇంకా ఇబ్బందులకు దారి తీస్తుంటుంది. ఒకరి పేరు బదులు మరొకరిని ట్యాగ్‌ చేయడం, తప్పుడు హ్యాష్‌ ట్యాగ్‌ ఇవ్వడం లాంటివి జరిగితే.. ఇక ట్రోలింగ్‌ బారిన పడినట్లే. తాజాగా ఇలాంటి ఇబ్బందే ఎదుర్కొంటోంది అమీషా పటేల్‌.

ఎన్టీఆర్‌ గురించి గొప్పగా రాద్దాం అనుకుని ట్వీట్‌ చేసి.. ఇప్పుడు ఇరుకున పడింది బాలీవుడ్‌ బ్యూటీ ఆమీషా పటేల్‌. ‘నరసింహుడు’ సినిమాలో ఇద్దరూ కలసి నటించిన విషయం తెలిసిందే. ‘‘ఎన్టీఆర్‌తో కలసి నేను నటించిన తెలుగు సినిమాలోని ఫొటో ఇది. తెలుగు సూపర్‌ స్టార్‌గా పేరు పొందిన ఆయన ఇప్పుడు ‘ఆర్‌ఆర్‌ఆర్‌’తో దేశవ్యాప్తంగా గుర్తింపు తెచ్చుకోవడం ఆనందంగా ఉంది. లవ్లీ కో స్టార్‌. కష్టపడే గుణమున్న నిజాయతీ కలిగిన వ్యక్తి’’ అని ట్వీట్‌ చేసింది ఆమీషా పటేల్‌.

అయితే ఈ క్రమంలో ఎన్టీఆర్‌ ట్విటర్‌ అకౌంట్‌ అయిన @tarak9999కు ట్యాగ్‌ చేయడానికి బదులు @jrntr మరో పేజీని ట్యాగ్‌ చేసింది అమీషా. దీంతో నెటిజన్లు, ట్రోలర్స్‌ ఆమె ట్వీట్ల కింద కామెంట్ల వర్షం కురిపిస్తున్నారు. ‘‘తారక్‌ ట్విటర్‌ ఖాతా ఇది కాదు.. ఒకసారి సరి చూసుకోండి’’ అని ఆమె ట్వీట్‌ కింద రాసుకొస్తున్నారు. అయితే ఈ విషయం చూసి సరి చేసుకోవాల్సిన అమీషా పటేల్‌.. మరోసారి అదే ట్వీట్‌ చేస్తూ.. మళ్లీ అదే ఖాతాను ట్యాగ్‌ చేసింది

ఈసారి కూడా తప్పు రావడానికి గుర్తించిన అమీషా పటేల్‌.. ఈసారి ఎవరినీ ట్యాగ్‌ చేయకుండా.. కేవలం ఎన్టీఆర్‌ పేరు రాసి ట్వీట్‌ చేసింది. అయితే అప్పటికే జరగాల్సిన నష్టం జరిగిపోయింది. గతంలో ఓ హీరోయిన్‌ తనకు ఎన్టీఆర్‌ తెలియదు అన్నప్పుడు ఇలానే చర్చ జరిగి, రచ్చ రచ్చ అయింది. ఇప్పుడు అమీషా వంతు. కాబట్టి ట్వీట్‌ చేసేటప్పుడు చూసుకోండి మేడమ్స్‌.

ఆ అమ్మాయి గురించి మీకు చెప్పాలి సినిమా రివ్యూ & రేటింగ్!

Most Recommended Video

శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!