Ameesha Patel, Jr NTR: ఎన్టీఆర్ హార్డ్ వర్కింగ్ స్టార్.. నందమూరి హీరో పై ప్రశంశలు కురిపించిన అమీషా పటేల్!

September 19, 2022 / 06:33 PM ISTByFilmy Focus

Join Us

Ameesha Patel, Jr NTR: ఎన్టీఆర్ హార్డ్ వర్కింగ్ స్టార్.. నందమూరి హీరో పై ప్రశంశలు కురిపించిన అమీషా పటేల్!

యంగ్ టైగర్ ఎన్టీఆర్ గురించి పరిచయం అవసరం లేదు టాలీవుడ్ ఇండస్ట్రీలో అగ్ర హీరోగా ఎంతో పేరు ప్రఖ్యాతలు సంపాదించుకున్న ఈయన రాజమౌళి దర్శకత్వంలో తెరకెక్కిన RRR సినిమా ద్వారా పాన్ ఇండియా హీరోగా పేరు ప్రఖ్యాతలు సంపాదించుకున్నారు. ఇకపోతే ఈయన ఇదివరకు ఎన్నో సినిమాలలో ఎంతో మంది నటీమణులతో నటించారు ఈ క్రమంలోనే గోపాల్ దర్శకత్వంలో వచ్చిన నరసింహుడు చిత్రంలో సమీరా రెడ్డితో పాటు అమీషా పటేల్ నటించారు.

ఈ సినిమాలో ఎన్టీఆర్ సరసన నటించిన ఈమె తాజాగా ఎన్టీఆర్ పట్ల ప్రశంసల కురిపిస్తూ చేసిన పోస్ట్ సోషల్ మీడియాలో వైరల్ అవుతుంది. ఈ సందర్భంగా నరసింహుడు సినిమాలోని ఒక రొమాంటిక్ ఫోటోని సోషల్ మీడియాలో షేర్ చేస్తూ…ఎన్టీఆర్ తో క్యూట్ త్రో బ్యాక్ ఫోటో. అప్పట్లో ఆయన సూపర్ స్టార్. ఇప్పుడు ఆర్ ఆర్ ఆర్ మూవీతో పాన్ ఇండియా స్టార్ గా ఎంతో పేరు ప్రఖ్యాతలు సంపాదించుకోవడం సంతోషంగా ఉంది అంటూ చెప్పుకొచ్చారు.

ఎన్టీఆర్ లవ్లీ కోస్టార్..హార్డ్ వర్కింగ్ స్టార్ అంటూ పెద్ద ఎత్తున ఈమె ఎన్టీఆర్ ని పొగుడుతూ తన అభిప్రాయాన్ని తెలియజేశారు. ఈ విధంగా ఎన్టీఆర్ గురించి నటి అమీషా పటేల్ తన అభిప్రాయాన్ని వ్యక్తం చేయడంతో ఎన్టీఆర్ అభిమానులు ఎంతో సంతోషం వ్యక్తం చేస్తున్నారు. ఇక తెలుగులో పలు సినిమాలలో నటించిన ఈమె చాలా కాలం నుంచి తెలుగు తెరకు దూరమయ్యారు.

తెలుగులో అమీషా పటేల్ పవన్ కళ్యాణ్ సరసన బద్రి, ఎన్టీఆర్ నరసింహుడు, మహేష్ బాబు నాని, పరమవీరచక్ర వంటి సినిమాలలో నటించారు.అయితే బద్రి సినిమా మాత్రమే తనకు తెలుగులో మంచి హిట్ ఇవ్వగా మిగిలిన సినిమాలన్నీ డిజాస్టర్ అయ్యాయి. ఇక అనంతరం ఈమె తెలుగు తెరకు పూర్తిగా దూరమై బాలీవుడ్ ఇండస్ట్రీకి పరిమితమయ్యారు.