Kalki: ‘కల్కి 2898 ఏడీ’లో అమితాబ్‌ పాత్ర ఇదే.. ఇంట్రడక్షన్‌ అదుర్స్‌!

పాత్రల అలా ఉంటాయి, ఇలా ఉంటాయి అని చెబుతున్నారు కానీ… ఎలా ఉంటాయో పక్కగా చెప్పడం లేదు. సినిమా వస్తుంది, వచ్చేస్తుంది అంటున్నారు కానీ డేట్‌ క్లారిటీ ఇవ్వడం లేదు అని నిన్న మొన్నటివరకు ‘కల్కి 2898 ఏడీ’ (Kalki 2898 AD)   సినిమా అభిమానులు బాధపడ్డారు. అయితే ఇప్పుడు ఇచ్చిన ఓ చిన్న గ్లింప్స్‌ మొత్తం ఆందోళను తరిమేసింది. అలా అని ఆ వీడియోలో హీరో ప్రభాస్ (Prabhas) కనిపించింది. బాలీవుడ్‌ మెగాస్టార్‌ అమితాబ్‌ (Amitabh Bachchan) కనిపించారు. అలా అని పూర్తిగా కాదు.

అమితాబ్‌ బచ్చన్‌ ‘కల్కి 2898 ఏడీ’ సినిమాలో అశ్వత్థామగా నటిస్తున్నారు అని చెబుతూ సినిమా టీమ్‌ ఓ వీడియో రిలీజ్‌ చేసింది. టైమ్ ట్రావెల్ సైన్స్ ఫిక్షన్ ఫాంటసీ సినిమా తెరకెక్కుతున్న ఈ చిత్రంలో అమితాబ్‌ ద్రోణాచార్య పుత్రుడు అశ్వత్థామ అయ్యారన్నమాట. ఆ పాత్రను చూపించిన విధానం, ఎలివేషన్లు, పేరు, గొంతు… ఇలా అన్నీ అదిరిపోయాయి అని చెప్పాలి. ఇలా సినిమాలో ప్రతి కీలక పాత్రను రివీల్‌ చేస్తారని తెలుస్తోంది. తొలుత బిగ్‌బీని రివీల్‌ చేశారు.

‘కల్కి’ పిక్చర్‌ను తొలుత మే 9న విడుదల చేయాలని భావించారు. అయితే వివిధ కారణాల వల్ల విడుదల చేయడం లేదు. అయితే ఈ వీడియోలో ఏమైనా రిలీజ్‌ డేట్‌ చెబుతారా అని చూస్తే… అది జరగలేదు. త్వరలో డేట్‌ రావొచ్చు అని అంటున్నారు. ఐపీఎల్‌, సార్వత్రిక ఎన్నికల వల్లే సినిమా వాయిదా పడుతోంది అని చెబుతున్నారు. అయితే ఆంధ్రప్రదేశ్‌లో టికెట్‌ రేట్ల వ్యవహారం కూడా సినిమా వాయిదాకు కారణం అని టాక్‌.

ఇక ఈ సినిమాలో ప్రభాస్‌ సరసన దీపికా పడుకొణె  (Deepika Padukone), దిశా పటానీ (Disha Patani) నటిస్తున్నారు. మరో కీలకమైన అతిథి పాత్రలో కమల్‌ హాసన్‌ (Kamal Haasan)  నటిస్తున్నారు. వీరి లుక్స్‌ కూడా త్వరలో రిలీజ్‌ చేస్తారట. మరి అవెలా ఉంటాయో, సినిమా మీద ఇంకెంత బజ్‌ను తీసుకొస్తాయో చూడాలి. ఇప్పటికే ‘కల్కి’గా ప్రభాస్‌ లుక్‌కి మంచి స్పందనే వచ్చింది. మిగిలిన లుక్స్‌ వచ్చాక ఇంకాస్త విషయం తెలుస్తుంది.