యంగ్ రెబల్ స్టార్ ప్రభాస్ ఇప్పుడు పాన్ ఇండియా స్టార్ గా ఎదిగాడు. రాజమౌళి డైరెక్షన్లో వచ్చిన ‘బాహుబలి’ చిత్రం వల్ల అది సాధ్యం అయ్యింది. అయితే ఒకసారి ఫ్లాష్ బ్యాక్ చూసుకుంటే.. ప్రభాస్ కెరీర్ ‘డార్లింగ్’ చిత్రానికి ముందు… ‘డార్లింగ్’ తరువాత అని చెప్పుకోవాలి. కరుణాకరన్ డైరెక్షన్ లో వచ్చిన డార్లింగ్ చిత్రానికి ముందు ప్రభాస్ కు రెండే హిట్టు సినిమాలు ఉండేవి. అందులో ఒకటి ‘వర్షం’ … మరొకటి ‘ఛత్రపతి’. ముఖ్యంగా ‘ఛత్రపతి’ తరువాత ప్రభాస్ నటించిన ‘పౌర్ణమి’ ‘యోగి’ ‘మున్నా’ చిత్రాలు ప్లాప్ అయ్యాయి. తరువాత వచ్చిన ‘బుజ్జిగాడు’ ‘బిల్లా’ చిత్రాలు యావరేజ్ కాగా ‘ఏక్ నిరంజన్’ ప్లాప్ అయ్యింది.
అలాంటి టైములో ప్రభాస్ కు ‘డార్లింగ్’ చిత్రం హిట్టయ్యి ఊపిరి పీల్చుకునేలా చేసింది. ఈరోజుతో ‘డార్లింగ్’ చిత్రం వచ్చి 10 ఏళ్ళు పూర్తయ్యింది. ఈ చిత్రం గురించి మనకు తెలియని విషయాలు చాలా ఉన్నాయి. మొదటి ఈ చిత్రం కథను మెగా పవర్ స్టార్ రాంచరణ్ కు వినిపించాడట.. దర్శకుడు కరుణాకరన్. అయితే అప్పటికి చరణ్ ఆల్రెడీ ‘ఆరెంజ్’ అనే లవ్ స్టోరీ కి ఓకే చెప్పాడు. షూటింగ్ మొదలైపోయింది కూడా.! కరుణాకరన్ ను వెయిటింగ్ చేయించడం ఇష్టం లేక బన్నీ,ప్రభాస్ అయితే ఈ సినిమాకి కరెక్ట్ అని సూచించాడట. ‘హ్యాపి’ సినిమా రిజల్ట్ తో మళ్ళీ కరుణాకరన్ తో సినిమా అవసరమా అనే ఆలోచన ఒక వైపు..
మరో వైపు ‘ఆర్య2’ ‘వరుడు’ ‘వేదం’ ప్రాజెక్ట్ లతో బిజీగా ఉండడం వల్ల బన్నీ ‘డార్లింగ్’ స్క్రిప్ట్ వినకుండానే చెయ్యలేను అని చెప్పేశాడట. ఇక కరుణాకరన్ ఫైనల్ హోప్ ప్రభాస్ మీదే పెట్టుకుని వెళ్ళడం కథని ఓకే చెయ్యడం… ఆ తరువాత అది హిట్ అవ్వడం జరిగింది. ప్రభాస్ తో ‘ఛత్రపతి’ నిర్మించిన భోగవల్లి ప్రసాద్ ఈ చిత్రాన్ని నిర్మించాడు.అప్పటికి సరికొత్త విధంగా ప్రభాస్ ఈ చిత్రంలో కనిపించాడు. కాజల్ గ్లామర్, జి.వి. ప్రకాశ్ సంగీతం మరియు బ్యాక్ గ్రౌండ్ స్కోర్.. సినిమాకి హైలెట్ అని చెప్పాలి. ఇప్పటికీ ఈ చిత్రానికి హార్డ్ కోర్ ఫ్యాన్స్ ఉన్నారు అంటే.. అతిశయోక్తి లేదు.
Most Recommended Video
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు!
నిర్మాతలుగా కూడా సత్తా చాటుతున్న టాలీవుడ్ హీరోలు!
టాలీవుడ్ టాప్ హీరోల వరస్ట్ లుక్స్ ఇవే!
Home