NTR, Koratala Shiva: ఏడు నెలల్లో పూర్తి చేస్తానన్న యంగ్ టైగర్!

యంగ్ టైగర్ జూనియర్ ఎన్టీఆర్ తనకు భారీ బ్లాక్ బస్టర్ హిట్ ఇచ్చిన డైరెక్టర్లకు మరో ఛాన్స్ ఇవ్వడానికి నో చెప్పరనే సంగతి తెలిసిందే. జనతా గ్యారేజ్ సినిమాతో బ్లాక్ బస్టర్ హిట్ ఇచ్చిన కొరటాల శివ డైరెక్షన్ లో ఎన్టీఆర్ ఒక సినిమాలో నటించడానికి గ్రీన్ సిగ్నల్ ఇవ్వగా ఆగష్టు నుంచి ఈ సినిమా ప్రారంభం కానుందని వార్తలు వచ్చాయి. అయితే దసరా పండుగ నుంచి ఈ సినిమా షూటింగ్ మొదలు కానుందని తెలుస్తోంది.

ప్రస్తుతం ఎన్టీఆర్ ఆర్ఆర్ఆర్ మూవీలో నటిస్తుండగా దసరా పండుగకు ఈ సినిమాను కచ్చితంగా రిలీజ్ చేయాలని రిలీజ్ డేట్ మారితే సినిమా రిజల్ట్ పై ఆ ప్రభావం పడుతుందని రాజమౌళి భావిస్తున్నారు. కొరటాల శివ ఆచార్య సినిమా పోస్ట్ ప్రొడక్షన్ పనులు పూర్తైన తరువాత ఎన్టీఆర్ సినిమా ప్రీ ప్రొడక్షన్ పనులను మొదలుపెట్టనున్నారు. కేవలం ఏడు నెలల్లో షూటింగ్ పూర్తి చేసి సినిమాను రిలీజ్ చేయాలని ఎన్టీఆర్ కొరటాల శివ భావిస్తున్నారు.

అరవింద సమేత తర్వాత ఆర్ఆర్ఆర్ సినిమాకే పరిమితమైన ఎన్టీఆర్ ఇకపై ఏడాదికి ఒకటి లేదా రెండు సినిమాలను రిలీజ్ చేసే విధంగా కెరీర్ ను ప్లాన్ చేసుకుంటున్నారు. త్వరలోనే ఎన్టీఆర్ కొరటాల శివ కాంబో సినిమాలో నటించే హీరోయిన్ కు సంబంధించిన ప్రకటన వెలువడే అవకాశాలు ఉన్నాయి. కొరటాల శివ సైతం ఆచార్య షూటింగ్ అంతకంతకూ ఆలస్యం కావడంతో తరువాత సినిమాల షూటింగ్ వేగంగా పూర్తయ్యేలా ప్రణాళికను సిద్ధం చేసుకున్నారని తెలుస్తోంది. ఎన్టీఆర్ కొరటాల శివ కాంబినేషన్ లో తెరకెక్కే సినిమా వచ్చే ఏడాది ఏప్రిల్ 29వ తేదీన రిలీజ్ కానుంది. తారక్ తరువాత సినిమా షూటింగ్ మొదలవ్వాలంటే అభిమానులు విజయదశమి వరకు ఆగాల్సిందే.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!