Prabhas: ‘ప్రాజెక్ట్ కె’ నుండీ ఇంట్రెస్టింగ్ అప్డేట్..!

ప్ర‌భాస్ హీరోగా ‘మహానటి’ ఫేమ్ నాగ్ అశ్విన్ దర్శకత్వంలో ఓ సైన్స్ ఫిక్షన్ మూవీ తెరకెక్కుతున్న సంగతి తెలిసిందే.. `ప్రాజెక్ట్ కె` వర్కింగ్ టైటిల్ తో ఈ మధ్యనే ఈ ప్రాజెక్ట్ సెట్స్ పైకి వెళ్ళింది. ‘వైజ‌యంతీ మూవీస్’ బ్యానర్ పై అశ్వినీదత్ గారు రూ.500 కోట్ల భారీ బడ్జెట్ తో ఈ చిత్రాన్ని ప్ర‌తిష్టాత్మ‌కంగా తెర‌కెక్కించబోతున్నారు. అమితాబ్ బ‌చ్చ‌న్‌, దీపికా ప‌దుకొణె వంటి బాలీవుడ్ స్టార్ లు ఈ ప్రాజెక్టులో భాగం కాబోతున్నట్టు ఇది వరకే ప్రకటించారు.

అంతేకాకుండా ఈ మూవీలో మ‌రో హీరోయిన్ కు కూడా ఛాన్స్ ఉంద‌ని, దాని కోసం స‌మంతని ఎంపిక చేసుకున్నట్టు ప్రచారం జరుగుతున్న సంగతి తెలిసిందే. దీని పై చిత్ర బృందం ఇంకా ఓ క్లారిటీ ఇవ్వకముందే మ‌రో ఇంట్రెస్టింగ్ న్యూస్ ఒకటి ఇప్పుడు ఫిలింనగర్లో చక్కర్లు కొడుతుంది. అదేంటంటే.. ఈ మూవీలో ప్రభాస్ తో పాటు మరో ఇద్దరు హీరోలు కూడా ఉందంటారట.కానీ వారి పాత్రలకి ఎక్కువ స్కోప్ ఉండదని ఒకటి, రెండు సీన్లలో మాత్రమే వారు కనిపిస్తారని తెలుస్తుంది.

అవి కూడా ప్రభాస్ తో వారికి కాంబినేషనల్ సీన్స్ ఉండవట కేవలం… అమితాబ్ బ‌చ్చ‌న్ ట్రాక్ నడుస్తున్నప్పుడు మాత్రమే ఆ పాత్రలు వస్తాయని తెలుస్తుంది. అయితే ఆ ఇద్దరు హీరోలు ఎవరై ఉంటారు అనే విషయం పై ఇప్పుడు పెద్ద చర్చ నడుస్తుంది. నాని, విజ‌య్ దేవ‌ర‌కొండ వంటి హీరోల పేర్లు వినిపిస్తున్నాయి కానీ పాన్ ఇండియా సినిమా కాబ‌ట్టి, వేరే భాష‌ల నుండీ ఆ ఇద్దరు హీరోలను ఎంపిక చేసుకునే అవకాశాలు ఉన్నట్టు టాక్ వినిపిస్తుంది.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!