బుల్లితెర యాంకర్ అనసూయ బుల్లితెర ఆఫర్లతో పాటు వెండితెర ఆఫర్లతో బిజీగా ఉన్నారు. జబర్దస్త్ షోకు హోస్ట్ గా వ్యవహరిస్తూనే పుష్ప సినిమాతో పాటు మరికొన్ని సినిమాల్లో అనసూయ నటిస్తున్నారు. తాజాగా అనసూయ స్టార్ కొరియోగ్రాఫర్లలో ఒకరైన శేఖర్ మాస్టర్ నిర్మిస్తున్న టెర్రస్ లవ్ స్టోరీ అనే వెబ్ సిరీస్ కు సోషల్ మీడియా ద్వారా ప్రమోషన్ చేశారు. తన వ్యక్తిగత జీవితం గురించి అనసూయ వీడియోలో ఆసక్తికర విషయాలను చెప్పుకొచ్చారు..
తాను సత్యకృష్ణ డైరెక్షన్ లో తెరకెక్కిన క్యూట్ లవ్ స్టోరీ అయిన టెర్రస్ లవ్ స్టోరీ గ్లింప్స్ ను చూశానని అయితే తన పర్సనల్ లైఫ్ లో మాత్రం టెర్రస్ లవ్ స్టోరీ లేదని అనసూయ అన్నారు. తాను చాలా పద్ధతిగా ఉంటానని మేడపైకి వెళ్లి బట్టలు తీసుకొని వచ్చేదానినని అనసూయ చెప్పుకొచ్చారు. నాన్న చాలా స్ట్రిక్ట్ అని మేడపైకి కూడా వెళ్లనిచ్చే వాళ్లు కాదని అనసూయ తెలిపారు. నాన్న రాజకీయ నాయకుడు కావడంతో పాటు ముగ్గురం ఆడపిల్లలు కావడంతో అలా చేసేవారని అనసూయ వెల్లడించారు..
నాకు టెర్రస్ లవ్ స్టోరీ లేకపోయినా ఆ లవ్ స్టోరీ ఎలా ఉంటుందో ఈ క్యూట్ టెర్రస్ లవ్ స్టోరీ ద్వారా తెలుసుకోవాలని అనుకుంటున్నానని అనసూయ పేర్కొన్నారు. మీలో చాలామంది పక్కింటి వాళ్లు, ఎదురింటి వాళ్ల కోసం చుప్‌కీ చుప్‌కీ పైకి వెళ్లి బట్టలను తడిపి మరీ ఎండేసిన సందర్భాలు ఉంటాయని అనసూయ అన్నారు. సినిమాల్లో నిజజీవితంలో జరిగిన సంఘటనలనే చూపిస్తారని అదే సమయంలో సినిమాల్లో జరిగే ఘటనలు రియల్ లైఫ్ లో కూడా జరుగుతాయని అనసూయ చెప్పుకొచ్చారు.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
