Anasuya: యానిమల్ సినిమా విషయంలో అనసూయను టార్గెట్ చేసిన విజయ్ ఫ్యాన్స్!

బుల్లితెర యాంకర్ గా ఎంతో మంచి గుర్తింపు సంపాదించుకున్నటువంటి అనసూయ ప్రస్తుతం వెండితెర సినిమాలలో నటిస్తూ ఎంతో బిజీగా ఉన్నారు. ఇలా వెండితెర నటిగా ఇండస్ట్రీలో కొనసాగుతూ ఉన్నటువంటి ఈమె తరచూ సోషల్ మీడియా వేదికగా ఎన్నో రకాల విమర్శలను ఎదుర్కొంటున్న సంగతి మనకు తెలిసిందే. మరోసారి విజయ్ దేవరకొండ అభిమానులు అనసూయను టార్గెట్ చేశారని తెలుస్తుంది. గతంలో అనసూయ విజయ్ దేవరకొండ హీరోగా సందీప్ రెడ్డి దర్శకత్వంలో వచ్చిన అర్జున్ రెడ్డి సినిమా పట్ల తీవ్రస్థాయిలో వివాదాస్పద వ్యాఖ్యలు చేసిన సంగతి తెలిసిందే.

ఈ సినిమా విడుదలైన తర్వాత అనసూయ విజయ్ దేవరకొండ ఉద్దేశించి సంచలన వ్యాఖ్యలు చేశారు. అలా అప్పుడు మొదలైనటువంటి ఈ వివాదం ఇప్పటికీ కొనసాగుతూనే వచ్చింది. అర్జున్ రెడ్డి సినిమాలో బోల్డ్ సన్నివేశాలపైనే ఈమె విజయ్ దేవరకొండ పట్ల సంచలన వ్యాఖ్యలు చేశారు. ఇక ఈ సినిమా దర్శకుడు సందీప్ రెడ్డి తాజాగా యానిమల్ సినిమా చేసిన సంగతి మనకు తెలిసిందే.

ఇక ఇందులో కూడా రణబీర్ కపూర్ రష్మిక పట్ల కొన్ని బోల్డ్ సన్నివేశాలు ఉన్నాయి. ఈ క్రమంలోనే ఈ సన్నివేశాలపై విజయ్ దేవరకొండ ఫ్యాన్స్ అనసూయను టార్గెట్ చేశారు. యానిమల్ సినిమా చూడలేదా అనసూయ ఇందులో ఉన్నటువంటి బోల్డ్ సన్నివేశాల గురించి మాట్లాడవెందుకు అంటూ కామెంట్ చేస్తున్నారు. మరి కొంతమంది అభిమానులు ఈమెకు విజయ్ దేవరకొండ సినిమాల్లో మాత్రమే అలాంటి సన్నివేశాలు కనిపిస్తాయి అంటూ కూడా కామెంట్లు చేస్తున్నారు.

మొత్తానికి మరోసారి విజయ్ దేవరకొండ అభిమానులు (Anasuya) అనసూయను ఇలా టార్గెట్ చేశారని తెలుస్తుంది. మరి ఈ వివాదం ఇంతటితోనే ముగుస్తుందా లేక ఈ విషయంపై అనసూయ స్పందిస్తూ మరోసారి పెద్ద ఎత్తున వివాదానికి తెర లేపుతారా అన్నది తెలియాల్సి ఉంది.

యానిమల్ సినిమా రివ్యూ & రేటింగ్!

దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!