కొన్ని గంటల నుండి సుమ పేరు సోషల్ మీడియాలో ట్రెండింగ్లో ఉంది. ఎందుకో ఈపాటికే మీకు తెలిసే ఉంటుంది. ఈరోజు జరిగిన ‘ఆదికేశవ’ సినిమాకి సంబంధించి ‘లీలమ్మో’ అనే సాంగ్ లాంచ్ వేడుకని నిర్వహించారు మేకర్స్. దీనికి సుమ హోస్ట్. అయితే ఈవెంట్ ఆలస్యంగా స్టార్ట్ అవ్వడం వల్ల మీడియా వాళ్ళు బయట స్నాక్స్ అవి తీసుకుంటూ, ఇంకొంతమంది బయట కబుర్లు చెప్పుకుంటూ ఉన్నారు.అప్పుడు సుమ.. మీడియా వారితో ఉన్న చనువు కొద్దీ ఆమె.. ‘మేము ఏర్పాటు చేసిన స్నాక్స్ ని భోజనంలా తింటున్న మీడియా వారు లోపలికి వచ్చి తమ కెమెరాలు ఫిక్స్ చేసుకోవాలి’ అంటూ కామెంట్ చేసింది.
ఇది మీడియా వారిని నొప్పించింది.ఈ క్రమంలో ఓ రిపోర్టర్.. ‘సుమ గారు మీ హోస్టింగ్ అంటే మాకు ఇష్టం. చాలా సరదాగా హోస్ట్ చేస్తారు. అందరిలో ఎనర్జీని నింపుతారు. కానీ మీడియా వారిని మీరు ‘స్నాక్స్ ని భోజనంలా తింటున్నట్టు తింటున్నారు’ అంటూ మాట్లాడటం బాలేదు’ అంటూ కామెంట్ చేశాడు. అప్పుడు సుమ.. ‘సరే క్షమించండి.. మీరు స్నాక్స్ ని స్నాక్స్ లానే తిన్నారు’ అంటూ మళ్ళీ వెటకారంగా కామెంట్ చేయడం.. ఆ తర్వాత ఆ రిపోర్టర్.. ‘అదే.. ఇలాంటి కామెంట్స్ మీడియాని ఉద్దేశించి చేయకండి ప్లీజ్’ అంటూ మండిపడ్డాడు. దీంతో సుమ బాగా హర్ట్ అయ్యింది. ఆ ఈవెంట్ ను కూడా త్వరగానే ముగించేసి వెళ్ళిపోయింది.
కొద్దిసేపటికే ఈ టాపిక్ సోషల్ మీడియాలో బాగా వైరల్ అయిపోయింది. ఎక్కువగా సుమనే వెనకేసుకొస్తూ నెటిజన్లు కామెంట్లు పెడుతున్నారు. అయినప్పటికీ సుమ మీడియాకి క్షమాపణలు చెబుతూ ఓ వీడియోను విడుదల చేశారు. అందులో ఆమె(Anchor Suma).. ‘మీడియా మిత్రులకు నమస్కారం. ఈరోజు ఒక ఈవెంట్ లో నేను చేసిన వ్యాఖ్యలు మిమ్మల్ని ఇబ్బంది పెట్టాయి. నిండు మనసుతో మీకు క్షమాపణలు చెబుతున్నాను. నాకు తెలుసు మీరు ఎంత కష్టపడతారు అనేది. గత కొన్నేళ్లుగా మనం కలిసి పనిచేస్తూ వస్తున్నాం. కుటుంబ సభ్యురాలిగా భావించి నన్ను క్షమిస్తారని కోరుకుంటున్నాను’ అంటూ ఆమె విన్నపించుకుంది.
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
