Anil Ravipudi: ‘ఎఫ్3’ లో ఆ సినిమా రిఫరెన్స్ వాడుకున్నానంటున్న అనిల్ రావిపూడి..!

2019లో వచ్చిన బిగ్గెస్ట్ బ్లాక్ బస్టర్ మూవీస్ లో ఒకటిగా నిలిచింది ‘ఎఫ్2’. సంక్రాంతి సీజన్ కు రావడం.. వెంకటేష్ కు ఫ్యామిలీ ఆడియన్స్ లో క్రేజ్… దర్శకుడు అనిల్ రావిపూడి పై ఉన్న నమ్మకం.. ఈ చిత్రం విజయంలో కీలక పాత్ర పోషించింది.’ఎఫ్2′ సీక్వెల్ గా ‘ఎఫ్ 3’ ని కూడా తెరకెక్కించాడు దర్శకుడు అనిల్ రావిపూడి.ఈ శుక్రవారం అంటే మే 27న ఈ చిత్రం విడుదల కాబోతుంది.

‘ఎఫ్2’కి మించిన వినోదం ‘ఎఫ్3లో’ ఉంటుంది అంటూ టీం అంతా బలంగా చెబుతుంది. అంతేకాదు ‘ఎఫ్ 3’కి ఖచ్చితంగా రిపీట్ ఆడియన్స్ వస్తారు అంటూ ధీమా వ్యక్తం చేస్తున్నారు కూడా..! విక్టరీ వెంకటేష్, మెగా ప్రిన్స్ వరుణ్ తేజ్ హీరోలుగా నటించిన ఈ చిత్రాన్ని స్టార్ ప్రొడ్యూసర్ దిల్ రాజు నిర్మించారు. దర్శకుడు అనిల్ రావిపూడి అయితే అలుపు సొలుపు లేకుండా సినిమాని ప్రమోషన్ చేస్తున్నాడు. ‘ఎఫ్3’ లో మూడో హీరో కూడా ఉంటాడు అంటూ అప్పట్లో వార్తలు వచ్చాయి..!

అలాగే నత్తి అనే అంశం కాంట్రవర్సీ అవుతుందా అనే అంశాల పై అనిల్ రావిపూడి స్పందించాడు. అనిల్ మాట్లాడుతూ.. “ఎఫ్ 2 ఫినిష్ అయ్యాక ఎఫ్ 3 గురించి ఆలోచించినప్పుడు మూడో హీరో ఆలోచన వచ్చింది. ఐతే అది ట్రంప్ కార్డు . అది ఇప్పుడు వాడేస్తే మళ్ళీ వాడుకోవడానికి ఏమీ ఉండదు. అందుకే ఆ ఐడియాని పక్కన పెట్టేశాం. ఎఫ్ 2 స్టార్ కాస్ట్ తోనే వీలైనంత ఫన్ జనరేట్ చేశాం.

ఐతే మూడో హీరో కార్డు మాత్రం ఎఫ్ 4లో కానీ తర్వాత సినిమాలో కానీ తప్పకుండా వాడాలి. ఇక ‘నత్తి’ అనేది ‘ఆహా నా పెళ్ళంట’ సినిమాలో బ్రహ్మానందం గారు చేసిన పాత్ర నా ఫేవరేట్. నత్తిని ఒక హీరో పాత్రకి యాడ్ చేయడం కొత్తగా అనిపిస్తుంది.నేను జంధ్యాల గారి ‘ఆహా నా పెళ్ళంట’ ప్రేరణతో చేశా. ఎవరైనా వివాదం చేస్తే ఇదే చెప్తా. నత్తి అనేది పోషకార లోపం వల్ల వచ్చిందని సినిమాలో చూపించాను” అంటూ చెప్పుకొచ్చాడు.

సర్కారు వారి పాట సినిమా రివ్యూ & రేటింగ్!

Most Recommended Video

‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!