టాలీవుడ్ ఇండస్ట్రీలో కొంతమంది డైరెక్టర్లు మాత్రమే తమ సినీ కెరీర్ లో ఒక్క ఫ్లాప్ కూడా లేకుండా సినిమాసినిమాకు మార్కెట్ ను పెంచుకుంటున్నారు. అలా అపజయమెరుగని దర్శకులలో అనిల్ రావిపూడి కూడా ఒకరు. ఒకవైపు యంగ్ హీరోలతో సినిమాలు తెరకెక్కిస్తూనే మరోవైపు సీనియర్ హీరోలతో సైతం అనిల్ రావిపూడి సినిమాలు తెరకెక్కిస్తున్నారు. అనిల్ రావిపూడి దర్శకత్వంలో తెరకెక్కి గతేడాది విడుదలైన సరిలేరు నీకెవ్వరు అనిల్ కెరీర్ లో బిగ్గెస్ట్ హిట్ గా నిలిచింది.
ప్రస్తుతం అనిల్ రావిపూడి ఎఫ్3 సినిమాను తెరకెక్కిస్తుండగా ఈ సినిమా తరువాత బాలకృష్ణ అనిల్ రావిపూడి కాంబినేషన్ లో ఒక సినిమా తెరకెక్కనుంది. ఈ సినిమా బడ్జెట్ 75 కోట్ల రూపాయలు అని సమాచారం. షైన్ స్క్రీన్ బ్యానర్ పై ఈ సినిమా తెరకెక్కనుందని ప్రచారం జరుగుతుండగా ఆ ప్రచారంలో నిజానిజాలు తెలియాల్సి ఉంది. కరోనా నుంచి కోలుకున్న అనిల్ ఎఫ్3 మూవీ షూటింగ్ 60 శాతానికి పైగా పూర్తి చేశారని సమాచారం.
ఆగష్టు 27వ తేదీన ఎఫ్3 మూవీ రిలీజ్ కావాల్సి ఉండగా కరోనా సెకండ్ వేవ్ ను బట్టి ఈ సినిమా రిలీజ్ డేట్ లో మార్పులు ఉండే అవకాశం ఉంది. బాలకృష్ణతో అనిల్ రావిపూడి తెరకెక్కించబోయే సినిమా ఏ విధంగా ఉండబోతుందో చూడాల్సి ఉంది. మరోవైపు అనిల్ రావిపూడి రాజా ది గ్రేట్ సీక్వెల్ ను రవితేజతో తెరకెక్కించాలని భావిస్తున్నారని తెలుస్తోంది. బాలయ్య సినిమా తరువాత రవితేజతో అనిల్ రావిపూడి రాజా ది గ్రేట్ సీక్వెల్ తెరకెక్కించే అవకాశం ఉంది.
మరోవైపు వరుస విజయాలు అందుకుంటున్నా మహేష్ మినహా 100 కోట్ల మార్కెట్ ఉన్న స్టార్ హీరోలు అనిల్ రావిపూడి డైరెక్షన్ లో నటించడానికి ఆసక్తి చూపడం లేదు. ఎఫ్3 తరువాతైనా 100 కోట్ల మార్కెట్ ఉన్న హీరోలు అనిల్ డైరెక్షన్ లో నటించడానికి గ్రీన్ సిగ్నల్ ఇస్తారేమో చూడాల్సి ఉంది.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
Home