ఆలా మొదలైంది వంటి ఎన్నో చిత్రాలకు డైలాగ్ రైటర్ గా పనిచేసిన అనిల్ రావిపూడి డైరక్టర్ గా తొలి చిత్రంతో బ్లాక్ బస్టర్ హిట్ అందుకున్నారు. కళ్యాణ్ రామ్ హీరోగా తెరకెక్కించిన పటాస్ భారీ కలక్షన్స్ సాధించింది. ఆయన దర్శకత్వంలో రూపుదిద్దుకున్న రెండో మూవీ సుప్రీమ్. మెగా హీరో సాయి ధరమ్ తేజ్ ఈ చిత్రంతో కమర్షియల్ హీరోగా నిలబడ్డారు. ఇప్పుడు అనిల్ మాస్ మహారాజ్ రవితేజతో రాజా ది గ్రేట్ అనే సినిమాని తీస్తున్నారు. రీసెంట్ గా విడుదలైన ఈ మూవీ టీజర్ విశేషంగా ఆకట్టుకుంది. ఇతని మూడు చిత్రాలను గమనిస్తే ఓ విషయం స్పష్టంగా తెలుస్తోంది. అదే ఆయన సక్సస్ సీక్రెట్ అని కూడా అర్ధమవుతోంది. అది ఏమిటంటే ఫిజికల్లీ ఛాలెంజెడ్ పర్సన్స్ ని బలవంతంగా చూపించడం. పటాస్ సినిమాలో ప్రాచి పోషించిన కావ్య క్యారక్టర్ మూగ చెవిటి అయినప్పటికీ చాలా తెలివైనది.
దైర్యవంతురాలిగా ఒక అమ్మాయిని రక్షించడానికి వెళ్లి ప్రాణాలు కోల్పోతుంది. ఆమె పాత్ర కథలో కీలకం. అలాగే సుప్రీమ్ సినిమాలో కాళ్లు బలహీనమైన వారు విలన్ ని ఎదిరించేలా చూపించారు. క్లైమాక్స్ లో వచ్చే ఈ ఫైట్ అందరికీ తెగ నచ్చింది. ఇప్పుడు రాజా ది గ్రేట్ లో అంధుడిని బలవంతుడిగా చూపించబోతున్నారు. ఆ విషయం టీజర్ స్పష్టం చేసింది. సినిమాపై ఆసక్తిని పెంచింది. అతని సినిమాల్లోని ఈ ప్రత్యేక శైలి హ్యాట్రిక్ ని అందిస్తుందనడంలో ఎటువంటి సందేహం అవసరం లేదు.
Also, do SUBSCRIBE to our YouTube channel to get latest Tollywood updates.
