జోరుమీదున్న అనిల్ రావిపూడి!

“సుప్రీమ్”తో సెకండ్ సూపర్ హిట్ అందుకొని.. ప్రస్తుతం రామ్ ను గుడ్డివాడిగా ఎలా చూపించాలా అని ప్లాన్ చేస్తున్న దర్శకుడు అనిల్ రావిపూడి అప్పుడే తన తదుపరి సినిమా ఒకే చేయించేసుకొన్నాడని తెలుస్తోంది. తనను దర్శకుడిగా పరిచయం చేసిన కళ్యాణ్ రామ్ హీరోగా “పటాస్” సినిమాకి సీక్వెల్ ను ప్లాన్ చేస్తున్నాడట అనిల్.

ఇటీవలే కళ్యాణ్ రామ్ కు కథ చెప్పాడని, కథ కళ్యాణ్ కి విపరీతంగా నచ్చేయడంతో వెంటనే గ్రీన్ సిగ్నల్ ఇచ్చేశాడని సమాచారం. 2017లో ఈ సీక్వెల్ సెట్స్ కు వెళ్తుంది.
ఇకపోతే.. బాలకృష్ణ 102వ సినిమాకి కూడా అనిల్ రావిపూడి దర్శకత్వం వహించే అవకాశాలున్నాయని ఫిలిమ్ నగర్ టాక్. కుర్రోడి జోరు చూస్తుంటే.. అతి త్వరలోనే అగ్ర దర్శకుల జాబితాలో చేరిపోయేలా ఉన్నాడు!