స్టార్ హీరోలు హ్యాండ్ ఇవ్వడంతో కొత్త యాక్టర్లతోనే కానిచ్చేస్తున్నాడు

కళ్యాణ్ రామ్, సాయిధరమ్ తేజ్, రవితేజ వంటి స్టార్లతో సినిమాలు తీసి హిట్ కొట్టి.. వెంకటేష్ కి కెరీర్ బిగ్గెస్ట్ హిట్ కట్టబెట్టి.. సూపర్ స్టార్ మహేష్ అభిమానులను వీరలెవల్లో సంతుష్టులను చేసి అగ్ర దర్శకుడిగా ఎదిగిన అనిల్ రావిపూడికి ఇప్పుడు చేతిలో ఆఫర్లు, అడ్వాన్సులు ఉన్నా.. హీరో దొరకడం లేదు. మీరు నమ్మినా నమ్మకపోయినా ఇది నిజం. పాపం ఆయనకి “సరిలేరు నీకెవ్వరు” సినిమా తర్వాత ఒక్క స్టార్ హీరో కూడా ఒకే చెప్పలేదు.

అందుకు కారణం సరిలేరు నీకెవ్వరు చిత్రంలోని ట్రైన్ కామెడీ ఎపిసోడ్. సినిమా హిట్టై.. మహేష్ డ్యాన్స్ & ఫైట్స్ ఆడియన్స్ & ఫ్యాన్స్ ను అలరించినప్పటికీ.. ఆ ట్రైన్ ఎపిసోడ్ మాత్రం సినిమాకి పెద్ద మైనస్ గా మిగిలిపోయింది. దాంతో అనిల్ కామెడీ టైమింగ్ పై డౌట్ పడుతున్నారు హీరోలు. అందుకే రామ్ చరణ్, నానిలకు కథలు చెప్పినా వాళ్ళ చేత ఎస్ చెప్పించుకోలేకపోయాడు. అయితే.. స్టార్ల కోసం వెయిట్ చేస్తూ ఉంటే ఫామ్ కోల్పోవడం ఖాయమని భావించిన రావిపూడి మజిలీ చిత్ర నిర్మాతలతో ఒక సినిమా ఒప్పుకున్నాడు.

కొత్తవాళ్లతో లేదా యంగ్ హీరోలతో ఈ సినిమా తీయడానికి రంగం సిద్ధం చేసుకొంటున్నారు రావిపూడి. పలువురు యంగ్ హీరోల పేర్లు వినిపిస్తున్నప్పటికీ.. వాటిలో నిజం లేదని తెలుస్తోంది. మరి రావిపూడి కొత్త ప్రయత్నంతో విజయం సాధించి మళ్ళీ అగ్ర కథానాయకుల మెప్పు పొండుతాడేమో చూడాలి.

Most Recommended Video

ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!