అనిల్ రావిపూడిని ఆదుకునేది నాగార్జున ఒక్కడే..!

అపజయమెరుగని దర్శకుల లిస్టు లో .. రాజమౌళి, కొరటాల శివ తరువాత అనిల్ రావిపూడి కూడా చేరిన సంగతి తెలిసిందే. తాను తీసిన 5 సినిమాలు హిట్లే.అందులోనూ ఇతను సినిమాని ఫాస్ట్ గా తెరకెక్కించడంలో కూడా సిద్ధహస్తుడు. మహేష్ బాబుతో 5నెలల్లో ‘సరిలేరు నీకెవ్వరు’ చిత్రాన్ని తెరకెక్కించి అందరినీ ఆశ్చర్యపరిచాడు. ఇదిలా ఉండగా.. ఆ చిత్రం తరువాత ‘ఎఫ్2’ సీక్వెల్ అయిన ‘ఎఫ్3’ ని తెరకెక్కించాలి అని ప్లాన్ చేసుకున్నాడు అనిల్. కానీ కరోనా కారణంగా ఆ చిత్రం ఇంకా మొదలు కాలేదు.

వెంకీ ‘నారప్ప’ షూటింగ్ ఫినిష్ చేసుకుని రావాలి.. అలాగే వరుణ్ కూడా కిరణ్ కొర్రపాటి డైరెక్షన్లో చేస్తున్న సినిమాని ఫినిష్ చేసుకుని రావాలి.కాబట్టి ‘ఎఫ్3’ మొదలవ్వడానికి టైం పడుతుంది. అనిల్ తో మరోసారి సినిమా చెయ్యడానికి మహేష్ రెడీనే..! కానీ మహేష్ ప్రస్తుతం ‘సర్కారు వారి పాట’ చిత్రంతో బిజీగా ఉన్నాడు. అది పూర్తవ్వడానికి మరో ఏడాది పడుతుంది. ఇక మిగిలిన హీరోలందరూ కూడా పెండింగ్లో ఉన్న ప్రాజెక్టులను కంప్లీట్ చెయ్యడంలో బిజీగా ఉన్నారు.

ఒక్క రామ్ మాత్రం మరో సినిమాకి కమిట్ అవ్వలేదు. అయితే ఈ మధ్యన నాగార్జున తో కూడా అనిల్ రావిపూడి సినిమా ఉంటుందని ప్రచారం జరుగుతుంది. అనిల్ దగ్గర ఓ సీనియర్ హీరోకి సూట్ అయ్యే కథ సిద్ధంగా ఉందట. అయితే ప్రస్తుతం ‘వైల్డ్ డాగ్’ చిత్రంలో నటిస్తున్న నాగార్జున.. ఆ తరువాత ప్రవీణ్ సత్తారు డైరెక్షన్లో ఓ చిత్రాన్ని చెయ్యడానికి కూడా రెడీ అవుతున్నాడు. మరి అనిల్ రావిపూడితో సినిమా చేసే టైం ఎక్కడిది? అంటే.. ఏమో..! ఒక 4 నెలల్లో కంప్లీట్ అయ్యే స్క్రిప్ట్ రెడీగా ఉంటె నాగ్… అనిల్ కు ఛాన్స్ ఇవ్వడం అసాధ్యం ఏమీ కాదు.

Most Recommended Video

కాబోయే భర్తతో కాజల్… వైరల్ అవుతున్న రేర్ ఫోటోస్!
‘సర్జరీ’ చేయించుకున్న హీరోయిన్లు వీళ్ళే!
‘బిగ్‌బాస్‌’ స్వాతి దీక్షిత్ గురించి మనకు తెలియని నిజాలు..!