Pushpa Movie: సుకుమార్ కి మరోసారి అస్వస్థత!

స్టైలిష్ స్టార్ అల్లు అర్జున్, సుకుమార్ కాంబినేషన్ లో తెరకెక్కిన ‘పుష్ప’ సినిమా డిసెంబర్ 17న విడుదల కావాల్సివుంది. కానీ ఇప్పుడు ఆ డేట్ న సినిమా విడుదలవ్వడం కాస్త కష్టమనిపిస్తోంది. చిత్రబృందం ఎంతో కష్టపడితే తప్ప.. అనుకున్న సమయానికి సినిమాను రిలీజ్ చేయడం కష్టమని తెలుస్తోంది. ఫిల్మ్ నగర్ లో అయితే ఈ సినిమా డిసెంబర్ 17న రాదని.. మరో డేట్ చూసుకోవాల్సిందే అనే మాటలు వినిపిస్తున్నాయి. దానికి తగ్గట్లుగానే ఈ టీమ్ కి మరో షాక్ తగిలింది.

దర్శకుడు సుకుమార్ అస్వస్థతకు గురైనట్లు.. ప్రస్తుతం ఆయన విశ్రాంతి తీసుకుంటున్నట్లు సమాచారం. ఆయన లేకపోతే.. పోస్ట్ ప్రొడక్షన్ కార్యక్రమాలకు బ్రేక్ పడినట్లే. చాలా రోజులుగా సుకుమార్ రెస్ట్ తీసుకోకుండా పని చేస్తున్నారు. దీంతో ఆయన బాగా నీరపడ్డారు. అందుకే ఇప్పుడు రెస్ట్ తీసుకుంటున్నారని తెలుస్తోంది. సుకుమార్ తన సినిమాలకు సంబంధించిన బ్యాక్ గ్రౌండ్ స్కోర్, ఎడిటింగ్ వంటి విషయాలన్నీ దగ్గరుండి చూసుకుంటారు. ఇప్పుడు సుకుమార్ వెళ్లలేకపోవడంతో ఆ పనులన్నీ ఎక్కడికక్కడ ఆగిపోయాయి.

దాంతో ఈ సినిమాకి సడెన్ బ్రేక్ పడినట్లయింది. ఈ నెలాఖరు నాటికి సుకుమార్ తిరిగి వచ్చేస్తారని.. అప్పుడు సినిమాలో ఐటెం సాంగ్ ను చిత్రీకరించి.. మళ్లీ పోస్ట్ ప్రొడక్షన్ కార్యక్రమాలను షురూ చేస్తారని తెలుస్తోంది.

పుష్పక విమానం సినిమా రివ్యూ & రేటింగ్!

Most Recommended Video

ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!