ఇండస్ట్రీలోకి మరో నెపోకిడ్‌.. హీరో కానున్న స్టార్‌ కొడుకు

సినిమా ఇండస్ట్రీలోకి వారసులు వచ్చేస్తున్నారు, దాని వల్ల అదైపోతుంది, ఇదైపోతుంది.. ఇప్పుడెందుకు ఈ మాటలు అంటున్నాం అంటున్నారా? ఇప్పడు ఈ చర్చ మళ్లీ రాబోతోంది కాబట్టే.. ఇప్పుడు చెబుతున్నాం. దీనికి కారణం బాలీవుడ్‌లో మరో నెపో కిడ్‌.. అదేనండీ వారసుడు వచ్చేస్తున్నాడు అని సమాచారం. ప్రముఖ బాలీవుడ్‌ కథానాయకుడు సైఫ్ అలీఖాన్ కుమారుడు ఇబ్రహీం అలీఖాన్ తెరంగేట్రం చేస్తారని లేటెస్ట్‌ టాక్‌. సైఫ్ అలీఖాన్ మొదటి భార్య కుమారుడు ఇబ్రహీం అలీ ఖాన్ బాలీవుడ్‌ ఎంట్రీ ఇస్తాడని తాజాగా వార్తల జోరు పెరిగింది.

ఎంతో కాలం నుండి ఇండస్ట్రీలోకి రావాలని చూస్తున్న ఇబ్రహీం అలీ ఖాన్‌కు ఇప్పుడు అంతా ఓకే అనుకున్నారట. కరణ్ జోహార్ రాబోయే సినిమాతో ఇబ్రహీం అలీ ఖాన్ బాలీవుడ్ ఎంట్రీ ఉంటుందని సమాచారం. ఈ నెల 24 నుండి ఈ సినిమా షూటింగ్‌ ప్రారంభమవుతుంది అని చెబుతున్నారు. అన్నట్లు ఈ సినిమాకు ‘సర్జమీన్’ అనే పేరును కూడా ఖరారు చేశారట. ఇప్పటికే ఈ సినిమాలో పాత్రకు తగ్గట్టు ఇబ్రహీం తన బాడీని మెయింటైన్‌ చేస్తున్నాడట.

దాని కోసం వర్కవుట్స్ చేస్తున్నాడని టాక్‌. ఈ సమయంలోనే ఇబ్రహీం ఫోటోలు కొన్ని సోషల్‌ మీడియాలో వైరల్‌ అయ్యాయి. తండ్రీ, సోదరితో ఇబ్రహీం ఫొటోలు చూసి కుర్రాడు భలే ఉన్నాడే అనుకుంటున్నారు నెటిజన్లు. సైఫ్ అలీ ఖాన్ – అమృతా సింగ్‌ల తొలి సంతానం సారా అలీ ఖాన్‌ 2018లో ‘కేదార్‌నాథ్‌’ అనే సినిమాతో తెరంగేట్రం చేసిన సంగతి తెలిసిందే. ఇబ్రహీం నటిస్తున్న ఈ సినిమా కశ్మీర్‌ ఉగ్రవాదం నేపథ్యంలో సాగుతుందని చెబుతున్నారు.

రక్షణ దళాల చుట్టూ ఈ సినిమా కథ తిరుగుతుందట. ‘అజీబ్ దాస్తాన్స్’, ‘అంకాహి’ లాంటి షార్ట్‌ని తెరకెక్కించిన బోమన్ ఇరానీ కుమారుడు కయోజ్ ఇరానీ ఈ సినిమాకు దర్శకత్వం వహించే అవకాశం ఉందని సమాచారం. త్వరలో ఈ విషయంలోనూ క్లారిటీ వస్తుంది. అక్కడ ఇండస్ట్రీలో దూసుకుపోతున్న సమయంలో తమ్ముడు వచ్చి ఏం చేస్తాడో చూడాలి.

అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!

వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!