నటసింహం నందమూరి బాలకృష్ణ ప్రస్తుతం నటిస్తున్న భారీ సినిమా అఖండ. కొంత గ్యాప్ తరువాత తనకు గతంలో సింహా, లెజెండ్ వంటి సూపర్ హిట్స్ అందించిన మాస్ డైరెక్టర్ బోయపాటి శ్రీను తో నటసింహం చేస్తున్న ఈ సినిమాపై ఆయన ఫ్యాన్స్ తో పాటు అందరిలో కూడా భారీగానే అంచనాలు ఉన్నాయి. బాలకృష్ణ రెండు పాత్రలు చేస్తున్న ఈ సినిమా నుండి ఇటీవల విడుదలైన రెండు టీజర్లు కూడా అద్భుతమైన రెస్పాన్స్ అందుకుని ఆ అంచనాలు మరింతగా పెంచాయి అని చెప్పకతప్పదు.
ప్రగ్య జైశ్వాల్ హీరోయిన్ గా నటిస్తున్న ఈ సినిమాలో సీనియర్ యాక్టర్ శ్రీకాంత్ విలన్ గా యాక్ట్ చేస్తుండగా ద్వారకా క్రియేషన్స్ బ్యానర్ పై మిరియాల రవీందర్ రెడ్డి దీనిని ఎంతో భారీ ఖర్చుతో నిర్మిస్తున్నారు. ప్రస్తుతం షూటింగ్ చివరి దశలో ఉన్న ఈ సినిమా నుండి ఫస్ట్ సాంగ్ ని సెప్టెంబర్ లో వినాయకచవితి రోజున విడుదల చేయనున్నారనేది లేటెస్ట్ టాలీవుడ్ వర్గాల న్యూస్. మ్యూజిక్ డైరెక్టర్ థమన్ ఈ సినిమా కోసం మొత్తం ఐదు అద్భుతమైన సాంగ్స్ స్వరపరిచారని,
తప్పకుండా సాంగ్స్ శ్రోతలను విశేషంగా ఆకట్టుకోవడం ఖాయం అని టాక్. యాక్షన్ తో పాటు మాస్ అంశాలు పుష్కలంగా కలగలిగిన ఈ సినిమా విడుదల తరువాత పెద్ద సక్సెస్ అందుకుంటుందని ఇన్నర్ వర్గాల సమాచారం. కాగా ఈ సినిమా దసరా పండుగా కానుకగా విడుదల కానుందని, త్వరలో దీనికి సంబంధించి అఫీషియల్ న్యూస్ బయటకు రానున్నట్లు తెలుస్తోంది.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
