మరో యంగ్ డైరెక్టర్ కు పవన్ నుండీ పిలుపు..!

పవన్ కళ్యాణ్ మళ్ళీ సినిమాల్లోకి రీ ఎంట్రీ ఇవ్వబోతున్నారు అనే విషయం పై దాదాపు క్లారిటీ వచ్చేసింది. మొన్నటికి మొన్న చరణ్ ఈ విషయం పై క్లారిటీ ఇచ్చేసాడు. బాబాయ్ కథలైతే వింటున్నాడు అని చరణ్ ఈ మధ్య ఓ ఇంటర్వ్యూలో చెప్పుకొచ్చాడు. ఇప్పటికే పవన్ కళ్యాణ్ తో సినిమా చేయాలని డైరెక్టర్ క్రిష్ విశ్వ ప్రయత్నాలు చేస్తున్నాడు. మరోవైపు దిల్ రాజు కూడా పవన్ తో సినిమా నిర్మించాలని తెగ ట్రై చేస్తున్నాడు. ‘ఓ మై ఫ్రెండ్’ ‘ఎం.సి.ఏ’ వంటి హిట్లు అందుకున్న వేణు శ్రీరామ్ ఈ చిత్రాన్ని డైరెక్ట్ చేయబోతున్నాడని ప్రచారం జరిగింది. ఇప్పుడు మరో యంగ్ డైరెక్టర్ పేరు కూడా వినిపిస్తుంది.

అసలు విషయం ఏమిటంటే.. ‘మెంటల్ మదిలో’ ‘బ్రోచేవారెవరురా’ వంటి హిట్ చిత్రాలను తెరకెక్కించిన వివేక్ ఆత్రేయను పవన్ పిలిపించాడట. దీంతో ఇప్పుడు ఫిలింనగర్లో చర్చనీయాంశం అయ్యింది. పవన్ రాజకీయ జీవితానికి కూడా కరెక్ట్ గా సరిపడే కథ ఈ కుర్ర డైరెక్టర్ సిద్ధం చేయగలడా అనే అనుమానాలు కూడా వ్యక్తమవుతున్నాయి. అయితే పవన్ ఈ డైరెక్టర్ కంటే ముందు ‘జార్జ్ రెడ్డి’ డైరెక్టర్ ను కూడా కలిసాడు. అయితే ఆ డైరెక్టర్ తో సినిమా విషయం ఏమైందనేది తెలీదు. మరి ఫైనల్ గా పవన్ ఏ డైరెక్టర్ తో సినిమా చేస్తాడు అనేదాని పై మాత్రం ఇప్పుడు పెద్ద కన్ఫ్యూజన్ ఏర్పడింది.

మీకు మాత్రమే చెప్తా సినిమా రివ్యూ & రేటింగ్!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!