ప్రెజంట్ జనరేషన్ హీరోయిన్స్ లో మోస్ట్ లక్కీయస్ట్ ఎవరు అంటే ఏమాత్రం ఆలోచించకుండా అను ఎమ్మాన్యూల్ అని చెప్పేయొచ్చు. ఇప్పటివరకూ చెప్పుకోదగ్గ విజయం ఒక్కటీ లేకపోయినా.. గ్లామర్ పరంగానూ యావరేజ్ అయినా.. నటన విషయంలో కనీస స్థాయి మెళకువలు కూడా రాకపోయినా స్టార్ హీరోల సరసన అవకాశాలు దక్కించుకుంటూ సెన్సేషన్ క్రియేట్ చేస్తుంది అను ఎమ్మాన్యుల్. ఆల్రెడీ పవన్ కళ్యాణ్, రామ్ చరణ్, అల్లు అర్జున్ వంటీ స్టార్ హీరోల సరసన నటించే అవకాశాలు దక్కించుకొన్న అను.. తాజా సమాచారం ప్రకారం రామ్ చరణ్-ఎన్టీయార్ హీరోలుగా రాజమౌళి దర్శకత్వంలో తెరకెక్కుతున్న చిత్రంలో ఒన్నాఫ్ ది హీరోయిన్ గా నటించనుందని తెలుస్తోంది.
ఈ వార్తగనుక నిజమే అయితే.. తెలుగులో స్టార్ హీరోయిన్ గా అను ఎమ్మాన్యూల్ నంబర్ ఒన్ పొజిషన్ దక్కించుకోవడం చాలా ఈజీ. ఇకపోతే.. ఈ చిత్రంలో అతిలోక సుందరి శ్రీదేవి రామ్ చరణ్-ఎన్టీయార్ లకు తల్లిగా నటించనుందని వార్తలొస్తున్నాయి. ఇందులో నిజమెంత అనే విషయం పక్కన పెడితే.. “బాహుబలి” తర్వాత రాజమౌళి తీయబోయే సినిమా కావడంతో ఈమాత్రం స్టార్ క్యాస్టింగ్ ఉండడం అనేది చాలా సహజం అంటున్నారు పరిశ్రమ పెద్దలు.
