Anupama: అందుకే అనుపమ ఈవెంట్ కి రాలేదట.. ఓపెన్ అయిపోయిన సిద్ధు జొన్నలగడ్డ..!

March 28, 2024 / 01:13 PM ISTByFilmy Focus

Join Us

Anupama: అందుకే అనుపమ ఈవెంట్ కి రాలేదట.. ఓపెన్ అయిపోయిన సిద్ధు జొన్నలగడ్డ..!

‘డిజె టిల్లు’ కి (DJ Tillu) సీక్వెల్ గా తెరకెక్కిన ‘టిల్లు స్క్వేర్’ (Tillu Square) సినిమా మార్చి 29న రిలీజ్ కాబోతోంది. ‘డిజె టిల్లు’ పెద్ద బ్లాక్ బస్టర్ అవ్వడంతో ‘టిల్లు స్క్వేర్’ పై మంచి అంచనాలే ఏర్పడ్డాయి. పాటలు హిట్ అయ్యాయి. టీజర్, ట్రైలర్స్ కి మంచి రెస్పాన్స్ వచ్చింది. ఈరోజు రిలీజ్ ట్రైలర్ వదిలారు అది కూడా వైరల్ అవుతుంది. ఇదిలా ఉండగా.. ఈరోజు అనగా మార్చి 27 న ‘టిల్లు స్క్వేర్’ ప్రీ రిలీజ్ ఈవెంట్ ను హైదరాబాద్లోని ఐ.టీ.సి కోహినూర్ లో నిర్వహించారు.

ఈ వేడుక ఎంతో ఘనంగా జరిగింది. అయితే ఈ వేడుకకు హీరోయిన్ అనుపమ పరమేశ్వరన్ (Anupama Parameswaran) హాజరుకాలేదు. ఆమె షూటింగ్లో ఉండి రాలేకపోయిందేమో అని అంతా అనుకున్నారు. అలా అనుకునేవారికి పెద్ద షాకిచ్చాడు హీరో సిద్ధు జొన్నలగడ్డ(Siddhu Jonnalagadda). అతను మాట్లాడుతూ.. “అనుపమ ఈరోజు ఈ ఈవెంట్ కి రాలేకపోయింది. అందుకు కారణం ఉంది. నిన్న ఈ సినిమా పోస్టర్ ఒకటి రిలీజ్ అయ్యింది. దానికి చాలా మంది చాలా రకాలుగా కామెంట్లు పెట్టారు.

నేనేమంటున్నాను అంటే.. ఒక అమ్మాయిని ఫ్లర్ట్ చేస్తే అది ఆమె కూడా ఎంటర్టైన్ అయ్యేలా ఉండాలి. అంతేకానీ.. ఆమె హర్ట్ అయ్యేలా ఉండకూడదు” అంటూ చెప్పుకొచ్చాడు. ‘టిల్లు స్క్వేర్’ ప్రమోషన్స్ విషయంలో ఎక్కువగా అనుపమనే హాట్ టాపిక్ అవుతుంది. ఎందుకంటే.. ఆమె ఈ సినిమాలో బోల్డ్ సీన్స్ లో నటించింది. దీనిపై ఒక్కొక్కరూ ఒక్కో విధంగా స్పందిస్తున్నారు. అందుకే అనుపమ హర్ట్ అయినట్టు సిద్ధు చెప్పకనే చెప్పాడు.