త్రివిక్రమ్ డైరెక్షన్లో తెరకెక్కిన ‘అఆ’ చిత్రంతో తెలుగు ప్రేక్షకులకు పరిచయమైంది అనుపమ పరమేశ్వరన్. నిజానికి ఈమె మలయాళం హీరోయిన్ అయినప్పటికీ తెలుగమ్మాయే అనేంతలా నేచురల్ గా కనిపిస్తూ ఉంటుంది. ఆమె యాక్టింగ్ కూడా అలాగే సహజంగా ఉంటుంది. అందుకే కుర్రకారు మదిని దోచేసింది ఈ బ్యూటీ. తన పాత్రకు తనే డబ్బింగ్ చెప్పుకునే ట్యాలెంట్ కూడా ఉండడంతో.. మొదట్లో ఈమెకు వరుస అవకాశాలు దక్కాయి. ఓ దశలో కచ్చితంగా ఈమె టాలీవుడ్ స్టార్ హీరోయిన్ అయిపోవడం ఖాయం అనుకున్నారు. కానీ తరువాత పలు ప్లాపులు పకరించడంతో సైలెంట్ అయిపోయింది.
ప్రస్తుతం ఈ అమ్మడు ‘రౌడీ బాయ్స్’ అనే చిత్రంతో పాటు నిఖిల్ సినిమాలో కూడా హీరోయిన్ గా నటిస్తుంది. తాజాగా తన సోషల్ మీడియా లైవ్ ద్వారా ప్రేక్షకులను పలకరించింది. అభిమానులు అడిగిన ప్రశ్నలన్నిటికీ జవాబులు ఇచ్చిన అనుపమ.. ఒక్క ప్రశ్న దగ్గర మాత్రం మూతి పక్కకు పెట్టేసింది! వివరాల్లోకి వెళితే.. ‘రాంచరణ్ కు జోడీగా మిమ్మల్ని చూసే ఛాన్స్ ఉందా?’ అని ఓ నెటిజన్ అడిగాడు. దానికి ఏం సమాధానం చెప్పాలో తెలీక వింత ఎక్స్ప్రెషన్లు ఇచ్చింది ఈ బ్యూటీ! దానికి సంబంధించిన ఫోటో వైరల్ అవుతుంది.
నిజానికి ‘రంగస్థలం’ చిత్రంలో మొదట ఈమెనే హీరోయిన్ గా అనుకున్నారు. కానీ సమంత ఫైనల్ అయ్యింది. ఆ చిత్రం కనుక ఈమె చేసి ఉంటే కచ్చితంగా స్టార్ హీరోయిన్ అయ్యి ఉండేది. ఆ ఫీలింగ్ నే ఇలా ఎక్స్ప్రెస్ చేసి ఉంటుంది అనుపమ అని కొందరి అభిప్రాయం.
Most Recommended Video
వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
