Ranabaali: అంతా బాగుంది కానీ.. ఆఖర్లో ఆ చెయ్యి ఎవరిది? కథ మారిందా?

‘రణబాలి’ సినిమాను అనౌన్స్‌ చేసినప్పుడు ‘ఏంటీ సినిమా పేరు.. విజయ్‌ దేవరకొండ – రాహుల్‌ సాంకృత్యాన్‌’ మళ్లీ ఏదో కొత్తగా ట్రై చేస్తున్నట్లున్నారు అనిపించింది. గతంలో ఈ ఇద్దరూ కలసి చేసిన ‘ట్యాక్సీ వాలా’ సినిమా విజయం కారణంగా ఈ సినిమా మీద అంచనాలు పెరిగాయి. ఈ సినిమాలో కథానాయికగా రష్మిక దేవరకొండను ఎంచుకుని ఆ అంచనాలను బాగా పెంచేసింది టీమ్‌. ఇప్పుడు టీజర్‌ను రిలీజ్‌ చేసి ఇంకా ఆకట్టుకునే ప్రయత్నం చేశారు.

Ranabaali

సినిమా అనౌన్స్‌ చేసిన కొత్తలో చెప్పిన విధంగా, ఇప్పుడు టీజర్‌లో కానీ ఈ సినిమా స్వాతంత్ర్య పోరాటం బ్యాక్‌డ్రాప్‌లో రూపొందుతున్న సినిమా అని అర్థమవుతోంది. రాయలసీమకు చెందిన ఒక స్వాతంత్ర సమరయోధుడు జీవితం ఆధారంగా ఈ సినిమా ఉండనుంది. అందుకు తగ్గట్టుగానే నాటి భారత దేశ ప్రజల దుర్భర పరిస్థితులను, బ్రిటిష్‌ పాలకులపై తిరుగుబాటును, చేసిన పోరాటం వంటి సన్నివేశాలు ఈ టీజర్‌లో బాగానే చూపించారు.

టీజర్‌లో చివరకు కొన్ని క్షణాలు చూపించిన విజువల్స్ చూస్తుంటే.. ఇందులో ఫాంటసీ టచ్ కూడా ఉందా అనే డౌట్‌ వస్తోంది. ఓ పెద్ద చేయి గుహ నుండి బయటకు వచ్చి గ్లాస్‌ను అందుకుంటుంది. ఎవరిదా పెద్ద చేయి, ఏంటా పాత్ర అనేది ఇప్పుడు ఆసక్తికరంగా మారింది. రణబాలి బృందానికి ఆ పాత్ర ఎలా సాయం చేస్తుంది అనేది ఇప్పుడు ఆసక్తికరంగా మారింది. ఈ విషయం తేలాలి అంటే అక్టోబరు 16 రావాల్సిందే.

ఇక గత కొన్ని నెలలుగా విజయ్‌ యాస మీద ఉన్న డౌట్‌ను క్లియర్‌ చేసేలా డైలాగ్‌ డెలివరీ విషయంలో దర్శకుడు రాహుల్‌ జాగ్రత్త పడ్డారు అనిపిస్తోంది. ఒకట్రెండు డైలాగ్‌ల వల్ల పెద్దగా తెలియదు. కానీ కనిపించినంత వరకు అంతా ఓకే అని చెప్పొచ్చు. ఇక రష్మిక దేవరకొండను అయితే టీజర్‌లో తక్కువగా చూపించారు. సినిమా వస్తే ఆమె పాత్ర సంగతి కూడా తేలుతుంది. ఆమె పాత్ర కూడా పవర్‌ఫుల్‌గా ఉంటుంది అని చెబుతున్న నేపథ్యంలో ఆమె కోసం మరో టీజర్‌ ఇస్తారేమో చూడాలి.

ఆ ఒక్కటి తప్ప.. అంతా నా జీవితంలో జరిగిందే: ఆనంద్‌ దేవరకొండ