దర్శకుడు సుకుమార్ సినిమాలంటే మ్యూజిక్ డైరెక్టర్ గా దేవిశ్రీప్రసాద్ కచ్చితంగా ఉండాల్సిందే. సుకుమార్ రైటింగ్స్ అయినా.. చాలా వరకు దేవిశ్రీనే పని చేస్తారు. సుకుమార్ కి సంబంధించిన అన్ని ప్రాజెక్ట్ లను దేవిశ్రీనే టేకప్ చేస్తుంటారు. సుకుమార్ అంటే దేవి కూడా ప్రాణం పెట్టి పనిచేస్తారు. సుకుమార్ సినిమాలకు దేవి ఇచ్చినవన్నీ హిట్ ఆల్బమ్సే. రీసెంట్ గా వీరి కాంబినేషన్ లో వచ్చిన ‘పుష్ప’ సినిమా ఎంత పెద్ద హిట్ అయిందో తెలిసిందే.
సినిమాలో ఒక్కో పాట విడుదలైనప్పుడు యూట్యూబ్ లో బాగా ట్రెండ్ అయ్యాయి. ఇక ఐటెం సాంగ్ ‘ఊ అంటావా.. ఊఊ అంటావా..’ అయితే నేషనల్ వైడ్ గా పాపులర్ అయింది. ఇప్పుడు ‘పుష్ప’ పార్ట్ 2కి దేవిశ్రీ అదిరిపోయే మ్యూజిక్ ఇవ్వబోతున్నారని సమాచారం. ఇదిలా ఉండగా.. ఇప్పుడు సుకుమార్ కాంపౌండ్ లోకి ఏఆర్ రెహ్మాన్ ఎంటర్ అవుతున్నాడని సమాచారం. సుకుమార్ తన శిష్యుడుతో ఓ సినిమా చేయబోతున్నారు. సుకుమార్ తో పాటు మైత్రి మూవీస్ సంస్థ ఈ సినిమాను నిర్మించబోతోంది.
దీనికి మ్యూజిక్ డైరెక్టర్ గా ఏఆర్ రెహ్మాన్ ను అనుకుంటున్నారు. సుకుమార్ గనుక దేవిశ్రీప్రసాద్ ను రికమండ్ చేయకపోతే రెహ్మాన్ దాదాపు ఫిక్స్ అయినట్లే అని చెబుతున్నారు.ఈ మధ్యకాలంలో రెహ్మాన్ సినిమాలకు పని చేయడం బాగా తగ్గించారు. ప్రైవేట్ ఆల్బమ్స్ అంటూ బిజీగా ఉంటున్నారు. పైగా తన కెరీర్ లో ఎక్కువగా తమిళ, హిందీ సినిమాలకే పని చేశారు. బైలింగ్యువల్ సినిమాలతో తెలుగు ప్రాజెక్ట్స్ కి పని చేశారు. ఇప్పుడు స్ట్రెయిట్ తెలుగు సినిమాకి మ్యూజిక్ చేయడానికి ఆయన ఎంతవరకు అంగీకరిస్తారో చూడాలి!
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
Home