మొత్తానికి పవన్ సినిమాని చెడగొట్టారుగా..!

పవర్ స్టార్ పవన్ కళ్యాణ్ హీరోగా మటల మాంత్రికుడు త్రివిక్రమ్ డైరెక్షన్లో వచ్చిన ఇండస్ట్రీ హిట్ చిత్రం ‘అత్తారింటికి దారేది’. ఈ చిత్రం అప్పటి వరకూ ఉన్న ‘మగధీర’ రికార్డులని బ్రేక్ చేసింది. ఈ చిత్రం రిలీజ్ కి ముందు పైరసీకి గురయ్యింది. దీంతో ఈ చిత్ర నిర్మాతల పరిస్థితి ఏంటా అని అందరు ఆందోళన చెందారు. కానీ పవర్ స్టార్ పవన కళ్యాణ్ ఫ్యాన్ బేస్ గురించి ప్రత్యేకంగా చెప్పనక్కర్లేదు. అలాగే త్రివిక్రమ్ డైరెక్షన్లో వచ్చిన ఈ చిత్రాన్ని కచ్చితంగా థియేటర్లలోనే చూడాలని ప్రేక్షకులు ఈ చిత్రానికి బ్రహ్మరధం పట్టారు. ఇప్పటికే ఈ చిత్రాన్ని కన్నడ లో రీమేక్ చేసారు. ‘ఈగ’ విలన్ కిచ్చ సుదీప్ హీరోగా చేసాడు. అక్కడ కూడా సూపర్ హిట్ అయ్యింది. ఇక తమిళ్ లో కూడా ఈ చిత్రాన్ని రీమేక్ చేసారు. శింబు హీరోగా రూపొందిన ఈ చిత్రం ‘వంత రాజవాతాన్ వరువెన్’ అనే పేరుతో తెరకెక్కింది.

• సిద్ధార్థ్ మీద కమల్ కు కోపం పోలేదా 
• నాగార్జున సరసన పాయల్ రాజ్ పుత్..?
• ‘స్నేహం వేరు.. పార్టీ వేరు’… పవన్ కళ్యాణ్ పై అలీ సంచలన కామెంట్లు..!

సుందర్ సి డైరెక్షన్లో వచ్చిన ఈ చిత్రం ఇటీవల విడుదలయ్యి ప్లాప్ టాక్ ను మూటకట్టుకుంది. ఈ రీమేక్ కి ఏ మాత్రం మార్పులు చేయకపోగా హీరోయిజం ఎలివేటే చేయడంలో అతి ఎక్కువయిందనే కామెంట్స్ వినిపిస్తున్నాయి. ఇందులో ఉన్న నటీనటుల పాత్రల్ని కూడా సరైన తీరులో ప్రెజెంట్ చేయకపోవడం ఈ చిత్ర అవుట్ పుట్ మీద దెబ్బకొట్టింది. ఇక హిప్ హాప్ తమిజా అందించిన స్వరాలు కూడా ఆకర్షించలేకపోయాయి. ఎంతో కీలకమైన అత్త, తాత పాత్రల్ని సరిగ్గా డిజైన్ చేయలేదు. అత్త పాత్రలో చేసిన రమ్యకృష్ణ, తాత పాత్రలో చేసిన నాజర్ లాంటి వారిని ఉపయోగించుకోవడంలో దర్శకుడు పూర్తిగా విఫలమయ్యాడు. కేవలం శింబు ఫ్యాన్స్ కి తప్ప ‘వంతా రాజవాతాన్ వరువెన్’ సాధారణ ప్రేక్షకులకు ఒక రొటీన్ ఫ్యామిలీ సినిమా అనే ఫీలింగ్ కలిగిస్తుందనడంలో సందేహం లేదు. మొత్తానికి మన పవర్ స్టార్ పవన్ కళ్యాణ్ బ్లాక్ బస్టర్ చిత్రాన్ని శింబు ఇలా చెడగొట్టాడన్నమాట.