Baadshah Collections: ‘బాద్ షా'(4K).. అనుకున్నంత రాబట్టలేకపోయింది..!

ఈ ఏడాది స్టార్ హీరోల పుట్టినరోజులు లేదా యానివర్సరీలను పురస్కరించుకుని పాత సినిమాలను రీ రిలీజ్ చేసే సంస్కృతి మొదలైంది. పాత సినిమాల ప్రింట్ లను 4K కి డిజిటలైజ్ చేసి రీ రిలీజ్ చేస్తూ వస్తున్నారు. మహేష్ బాబు ‘పోకిరి’, పవన్ కళ్యాణ్ ‘జల్సా’, ప్రభాస్ నటించిన ‘బిల్లా’ ‘వర్షం’.. బాలకృష్ణ ‘చెన్నకేశవరెడ్డి’ వంటి చిత్రాలను రీ రిలీజ్ చేయడం జరిగింది. ఇందులో ‘పోకిరి’, ‘జల్సా’ బాగా పెర్ఫార్మ్ చేశాయి. ‘వర్షం’ జస్ట్ ఓకే అనిపించింది.

‘బిల్లా’ మాత్రం ఆశించిన స్థాయిలో పెర్ఫార్మ్ చేయలేదు. బాలకృష్ణ నటించిన ‘చెన్నకేశవరెడ్డి’ చిత్రం ఓవర్సీస్ లో తప్ప తెలుగు రాష్ట్రాల్లో రికార్డ్ కొట్టలేకపోయింది. ఇదిలా ఉండగా.. ఎన్టీఆర్- శ్రీను వైట్ల కాంబినేషన్లో వచ్చిన ‘బాద్ షా’ మూవీని నిర్మాత నట్టి కుమార్ ఇటీవల రీ రిలీజ్ చేశారు. ఎన్టీఆర్ ఇండస్ట్రీకి ఎంట్రీ ఇచ్చి 22 ఏళ్ళు పూర్తయిన సందర్భంగా ఆయన ఈ మూవీని రీ రిలీజ్ చేయడం జరిగింది. నవంబర్ 19న రీ రిలీజ్ అయిన ‘బాద్ షా’ మూవీకి మొదటి రోజు అభిమానుల నుండి మంచి రెస్పాన్స్ లభించింది.

కానీ రెండో రోజు నుండి డౌన్ అయిపోయింది. సరైన ప్రమోషన్ లేకపోవడం వల్లనే మైనస్ అయ్యిందని. తొలి వీకెండ్ కు ఈ మూవీ రూ.16 లక్షల గ్రాస్ కలెక్షన్స్ ను మాత్రమే రాబట్టింది. షేర్ పరంగా చూసుకుంటే రూ.9 లక్షలు ఉంటుంది అని ట్రేడ్ పండితుల సమాచారం.ఆ తర్వాత రూ.9 లక్షల గ్రాస్ ను మించి కలెక్ట్ చేయలేకపోయింది ఈ మూవీ. ఓవరాల్ గా రూ.25 లక్షల గ్రాస్ వసూళ్లను రాబట్టింది. షేర్ పరంగా రూ.16 లక్షలు ఉంటుంది అని ట్రేడ్ పండితుల సమాచారం.

ఇక 2013 లో సమ్మర్ కానుకగా రిలీజ్ అయిన ఈ మూవీ బాక్సాఫీస్ వద్ద కాసుల వర్షం కురిపించింది.ఫుల్ రన్లో ఈ మూవీ రూ.46 కోట్ల వరకు షేర్ ను కలెక్ట్ చేసి ఆ టైంకి ఎన్టీఆర్ కెరీర్ లో హైయెస్ట్ కలెక్షన్స్ సాధించిన మూవీగా రికార్డు కొట్టింది. బండ్ల గణేష్ ఈ చిత్రానికి నిర్మాత కావడం విశేషం.

గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!

ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!