మలయాళంలో రికార్డ్ సృష్టించిన బాహుబలి కంక్లూజన్

రాజమౌళి వెండితెరపై సృష్టించిన కళాఖండం బాహుబలి కంక్లూజన్ థియేటర్లోకి వచ్చిన తొలి రోజు నుంచి కలక్షన్ల వర్షంతో పాటు, రోజుకో రికార్డ్ చొప్పున అన్ని రికార్డులను బద్దలు కొడుతోంది. ఏప్రిల్ 28 న ప్రపంచవ్యాప్తంగా 13000 తెరల్లో రిలీజ్ అయిన ఈ మూవీ ఇప్పటివరకు 1600 కోట్లు వసూలు చేసి ఔరా అనిపించింది. ఏరియాల వారీగా కూడా రికార్డ్స్ బీట్ చేసింది. ఈ మూవీ తెలుగు వెర్షన్ తెలుగు రాష్ట్రాల్లో 300 కోట్లు వసూలు చేసి బాహుబలి 1 పేరిట ఉన్న రికార్డ్ ని బద్దలు కొట్టింది. అలాగే హిందీ వెర్షన్ దంగల్ పేరిట ఉన్న రికార్డ్ ని అధిగమించింది. తాజాగా మలయాళం లోను హవా కొనసాగించింది.

మల్లూవుడ్ లో ఇప్పటివరకు అత్యధిక కలక్షన్ సాధించిన సినిమాగా మళయాల సూపర్‌స్టార్‌ మోహన్‌లాల్‌ నటించిన ‘పులి మురుగన్‌’ ఉన్నింది. ఈ మూవీ కేరళలో 70 కోట్ల గ్రాస్‌ వసూలు చేసి నంబర్ వన్ స్థానంలో నిలిచింది. ఈ రికార్డ్ ని ఏ మలయాళ చిత్రం బీట్ చేయలేకపోయింది. మలయాళంలో డబ్ అయిన బాహుబలి 2 సోమవారం తొలి ఆటతోనే 70 కోట్ల మార్క్ ని దాటి నంబర్ వన్ స్థానాన్ని కైవశం చేసుకుంది. దీంతో బాహుబలి చిత్ర బృందం ఆనందానికి అవధులు లేకుండా పోయింది.

Also, do SUBSCRIBE to our YouTube channel to get latest Tollywood updates.