Pooja Hegde: పూజా హెగ్డే ఖాతాలో ఇంకో ప్లాప్.. ఇప్పుడేమంటుందో!

పూజా హెగ్డే.. నాగ చైతన్య నటించిన ‘ఒక లైలా కోసం’ చిత్రంతో టాలీవుడ్ కి ఎంట్రీ ఇచ్చింది. ఆ తర్వాత ‘ముకుంద’ సినిమాలో కూడా హీరోయిన్ గా నటించింది. ఈ రెండు సినిమాలు పెద్దగా ఆడలేదు. అయినప్పటికీ అటు తర్వాత బాలీవుడ్లో హృతిక్ రోషన్ కు జోడీగా ‘మొహెంజో దారో’ సినిమాలో ఈమెకు ఛాన్స్ లభించింది. దీంతో అంతా ఈమె దశ తిరిగినట్టే అని అనుకున్నారు. కానీ ఆ సినిమా అప్పటి టైంకి ఇండియన్ సినిమాల్లోనే బిగ్గెస్ట్ డిజాస్టర్ గా నిలిచింది.

దీంతో పూజా హెగ్డే (Pooja Hegde) పై ఐరన్ లెగ్ అనే ముద్ర పడింది. అయితే దర్శకుడు హరీష్ శంకర్ ‘డిజె'(దువ్వాడ జగన్నాథం) తో ఆమె గ్లామర్ ను ఎలా వాడుకోవచ్చో చూపించాడు. ఆ సినిమా సో సోగా ఆడినా తర్వాత వచ్చిన ‘అరవింద సమేత’ ‘మహర్షి’ ‘అల వైకుంఠపురములో’ ‘మోస్ట్ ఎలిజిబుల్ బ్యాచిలర్’ వంటి సినిమాలు సూపర్ హిట్లు అయ్యాయి. కానీ మళ్ళీ పూజకి వరుసగా ‘రాధే శ్యామ్’ ‘ఆచార్య’ ‘బీస్ట్’ ‘సర్కస్’ వంటి ప్లాపులు పడ్డాయి.

దీంతో ఆమె పై ఓ రేంజ్లో ట్రోలింగ్ జరిగింది. అయినా ఈమె వాటిని పట్టించుకోకుండా పెద్ద సినిమాల్లో అవకాశాలు వస్తున్నాయి కదా అని చేసుకుంటూ పోతుంది. ‘అవును నేను నటించిన గత 4,5 సినిమాలు ఫ్లాప్ అయ్యాయి. కానీ నేను ఫెయిల్ అవ్వలేదు. నా పర్ఫామెన్స్‌కు, డ్యాన్సులకు మంచి ప్రశంసలు దక్కాయి. ఆ సినిమాల వల్ల నాకు నష్టమేమీ జరగలేదు, ప్రతీది కూడా ఎక్స్పీరియన్స్’ అంటూ ఈమె ఆ ప్లాపులను చాలా లైట్ తీసుకుంది.

సరే.. ఇటీవల వచ్చిన ‘కిసీ క బాయ్ కిసీ క జాన్’ చిత్రంతో ఈమె పెద్ద హిట్ కొట్టి ఫామ్లోకి వస్తుందని అంతా అనుకున్నారు. కానీ అలాంటిదేమీ జరగలేదు. ఈ సినిమా కూడా పెద్ద డిజాస్టర్ అనే టాక్ ను మూటగట్టుకుంది. బాక్సాఫీస్ వద్ద కూడా పెద్దగా సందడి చేయడం లేదు. ‘పూజా హెగ్డే అన్నట్టు.. తాను ఫెయిల్ అవ్వకపోవచ్చు. సినిమాలే ఫెయిల్ అయ్యుండొచ్చు’.. కానీ మంచి కథలు ఎంపిక చేసుకుని హిట్లు కొడితేనే కదా ఎక్కువ కాలం ఇండస్ట్రీలో కొనసాగేది.

విరూపాక్ష సినిమా రివ్యూ & రేటింగ్!
గత 10 సినిమాల నుండి సాయి ధరమ్ తేజ్ బాక్సాఫీస్ పెర్ఫార్మన్స్ ఎలా ఉందంటే..?

శాకుంతలం పాత్రలో నటించిన హీరోయిన్ లు వీళ్లేనా?
కాంట్రవర్సీ లిస్ట్ లో ఆ సినిమా కూడా ఉందా?