సినిమా రూమర్‌ బయటకు రావడానికి కూడా ముహూర్తాలు చూస్తున్న రోజులివి. ఆ తర్వాత ఫస్ట్‌ షాట్‌ నుండి లాస్ట్‌ ప్రమోషన్స్‌ వరకూ దేనికీ ముహూర్తం లేకుండా ఏ పనీ చేయరు. అయితే ‘గుంటూరు కారం’ విషయంలో ఈ మొదటి ముహూర్తం నుండే తేడా కొట్టేసిందా? ఇదేం ప్రశ్న అనుకుంటున్నారా? కావాలంటే మీరే చూడండి ఈ సినిమా మొదలైంది ఆలస్యం.. ఏదో సమస్య వస్తూనే ఉంది. పుకార్లు షికార్లు చేస్తూనే ఉన్నాయి. ఎందుకొస్తున్నాయ్‌, ఎవరు చేస్తున్నారు అనేది పక్కనపెడితే ఈ సినిమా గురించే ఎందుకింత అనేది చర్చించాల్సిన విషయం.
‘గుంటూరు కారం’ (Guntur Kaaram) అని అప్పుడు పేరు పెట్టలేదు కానీ.. సినిమా మొదలుపెట్టారు. ఓ వారం పాటు షెడ్యూల్‌ చేశారు. అంతా ఓకే అనుకుంటుండగా ఆ ఫుటేజ్‌ మొత్తం పక్కన పెట్టేయండి అని మహేష్‌బాబు అన్నారని టాక్‌. అప్పటికే నెలలు తరబడి వాయిదా పడి పడీ సినిమా మొదలైంది. అలాంటి సినిమా రషెష్‌ను పక్కనపెట్టేశారు. ఆ తర్వాత సినిమా చాలా రోజులు ఆగిపోయింది. ఒకానొక సమయంలో సినిమానే ఉండదు అని కూడా అన్నారు. అయితే సినిమా కథ, కథనం, మొత్తం కాన్సెప్ట్‌ మార్చేసి మొదలుపెట్టారు.
ఈ క్రమంలో సినిమాలో హీరోయిన్లు మారుతారు అని వార్తలొచ్చాయి. అప్పటికి పూజా హెగ్డే, శ్రీలీలను హీరోయిన్లుగా అనుకున్నారు. అయితే ఇప్పుడు శ్రీలీల మాత్రమే హీరోయిన్.. పూజా హెగ్డే తప్పుకుంది అంటున్నారు. దాని వెనుక ఎప్పుడూ లేదని మహేష్ బాబును టార్గెట్ చేస్తూ రూమర్లు వచ్చాయి. ఇందులో నిజం తెలియదు కానీ.. మహేష్ అలాంటోడు కాదు అనేది నిజం. ఇప్పుడు శ్రీలీలను ఫస్ట్‌ హీరోయిన్‌గా చేశారు అంటున్నారు. ఇంకో హీరోయిన్ త్వరలో ఎంట్రీ ఇస్తుందట. దీనికి తోడు తమన్‌ విషయం తెలిసిందే.
ఈ సినిమా నుండి తమన్‌ తప్పుకున్నారు అంటూ పుకార్లు వచ్చాయి. దానికి తమన్‌ కూడా ఎన్నడూ లేని విధంగా హార్స్‌గా సమాధానం ఇచ్చాడు. దీంతో అసలు ఏమవుతోంది. సినిమా అనుకున్నది మొదలు ఆగుతూనే ఉంది. ఏదో పుకారు వస్తూనే ఉంది అంటూ ఫ్యాన్స్‌ విసుక్కుంటున్నారు. మహేష్‌కు సరైన హిట్ కావాలి, త్రివిక్రమ్ నుండి సినిమా వచ్చి మూడున్నరేళ్లు అవుతోంది అనేవి ఇక్కడ ఆలోచించాల్సిన అంశాలు. ఇక ఎప్పటిలాగే కొత్త షెడ్యూల్‌ పోస్ట్‌ పోన్స్‌ జరుగుతూనే ఉన్నాయి. ఈ నెల మొదటివారంలో అన్న షూటింగ్‌.. ఇప్పుడు ఆఖరి వారానికి వెళ్లిపోయింది. అది కూడా డౌటే అంటున్నారు.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
