దర్శకధీరుడు ఎస్.ఎస్.రాజమౌళి, యంగ్ రెబల్ స్టార్ ప్రభాస్ కలయికలో వచ్చిన బాహుబలి బిగినింగ్ భాషాబేధం లేకుండా, ఎల్లలు దాటుకొని ప్రపంచవ్యాప్తంగా సినీ అభిమానులను ఆకట్టుకుంది. తెలుగు చిత్రాల స్థాయిని పెంచింది. ఈ సినిమాకి కొనసాగింపుగా వస్తున్న బాహుబలి కంక్లూజన్ అనేక హంగులు అద్దుకుని ఏప్రిల్ 28 న రిలీజ్ కావడానికి ముస్తాబు అవుతోంది. తొలి కాపీ సిద్ధం కాకముందే 500 కోట్ల ప్రీ రిలీజ్ బిజినెస్ చేసిన ఈ ఫిల్మ్ పై భారీ అంచనాలున్నాయి. వెయ్యికోట్ల కలెక్షన్లను కొల్లగొడుతుందని ధీమా వ్యక్తం చేస్తున్న జక్కన్న బృందానికి ఓ సెంటిమెంట్ భయపెడుతోంది. తెలుగు చిత్రాలకు సీక్వెల్స్ కలిసి రాలేదు.
ఎన్నో అంచనాలతో వచ్చిన శంకర్ దాదా జిందాబాద్, సర్దార్ గబ్బర్ సింగ్, నాగవల్లి, మనీ-2 వంటి ఎన్నో సినిమాలు ఆశించినంతగా విజయం సాధించలేదు. ఈ సెంటిమెంట్ రాజమౌళి టీమ్ ని వెంటాడుతోంది. అసలే సెంటిమెంట్ ని బాగా ఫాలో అయ్యే సినీ జనులు చాలామంది బాహుబలి 2 విషయంలో ఇదే సందేహాన్ని వ్యక్తం చేస్తున్నారు. ఈ సందేహాలను, భయాలను పారదోలేందుకు రెట్టింపు కసితో దర్శకధీరుడు అండ్ కో .. కలిసికట్టుగా శ్రమిస్తున్నారు. సీక్వెల్ సెంటిమెంట్ ని బాహుబలి ౨ తునాతునకలు చేస్తుందా? లేదా? తెలియాలంటే రిలీజ్ వరకు ఆగాల్సిందే.
Also, do SUBSCRIBE to our YouTube channel to get latest Tollywood updates.
