నటసింహం నందమూరి బాలకృష్ణ ఏం చేసినా సమ్‌థింగ్ స్పెషలే.. ఏ నిర్ణయం తీసుకున్నా సంచలనమే.. అరవై ఏళ్లు దాటినా 30 ఏళ్ల ఎనర్జీతో పని చేస్తుంటారాయన. సినిమాలు, రాజకీయాలు, క్యాన్సర్ హాస్పిటల్ బాధ్యతలు, సేవా కార్యక్రమాలు, టాక్ షో.. ఇప్పటివరకు వీటితోనే ఫిల్ అయిపోయిన ఆయన డైరీలో మరో కొత్త ప్రాజెక్ట్ వచ్చి చేరింది. అదే యాడ్స్.. 48 సంవత్సరాల సినీ జీవితంలో బాలయ్య ఏనాడు ప్రకటనల్లో నటించడానికి ఆసక్తి చూపించలేదు.
డబ్బు కోసం జనాల్ని మభ్య పెట్టే యాడ్లకు నేను దూరం అని చాలా సార్లు చెప్పారు. ఇప్పుడు ఆయన మనసు మార్చుకున్నారు. ప్రఖ్యాత రియల్ ఎస్టేట్ సంస్థ సాయిప్రియ కన్‌స్ట్రక్షన్స్ వారి గురించి తెలుసుకుని.. మొట్టమొదటిసారి ప్రకటనల్లో నటించడానికి గ్రీన్ సిగ్నల్ ఇచ్చారు.బ్రాండ్ అంబాసిడర్‌గా బాలయ్య నటించిన సాయిప్రియ యాడ్స్ రిలీజ్ ఈవెంట్ హైదరాబాద్‌లో గ్రాండ్‌గా జరిగింది. ఈ సందర్భంగా రెడు ప్రకటనలు విడుదల చేశారు. బాలయ్య స్టైలిష్ లుక్, డైలాగ్ డెలివరీ, హావభావాలతో యాడ్స్‌ని రక్తికట్టించారు.
ఫీల్డ్ ఏదైనా నేను దిగనంత వరకే అన్నట్టు చాలా చక్కగా నటించి మెప్పించారు. తొలిసారి బాలయ్య చేసిన యాడ్స్, ఈవెంట్‌లో ఆయన పిక్స్ అన్నీ నెట్టింట వైరల్‌గా మారాయి. నటసింహం నటించిన యాడ్లకి ఫ్యాన్స్, ఆడియన్స్ నుండి సాలిడ్ రెస్పాన్స్ వస్తోంది. బాలయ్య మరింత యంగ్‌గా కనిపించడం, పని చెయ్యడమే కాదు.. రిస్క్ కూడా తీసుకుని కొత్త కొత్త రంగాల్లోకి అడుగుపెట్టి సక్సెస్ కొడుతున్నాడు. ముందు ముందు మరిన్ని కమర్షియల్స్‌ చేసినా ఆశ్చర్యపోనక్కర్లేదు అంటున్నారు ఇండస్ట్రీ వర్గాల వారు.
కాగా ఫస్ట్ టైం నటిస్తున్న ప్రకటనల కోసం బాలయ్యకి అక్షరాలా 16 కోట్ల రూపాయల పారితోషికం ఆఫర్ చేశారట. ఆ మొత్తాన్ని నేరుగా తాను ఛైర్మన్‌గా ఉన్న బసవతారకం క్యాన్సర్ హాస్పిటల్ కి ఇవ్వమని ఆయన చెప్పడంతో.. సాయిప్రియ కన్ స్ట్రక్షన్స్ వారు ఇన్‌స్పైర్ అయ్యి మరో 1.25 కోట్లను తమ వంతు విరాళంగా అందజేశారని సమాచారం.
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
