Balakrishna: యాడ్‌లోనూ బాలయ్య రాజసం.. వైరల్ అవుతున్న షూటింగ్ పిక్..

నటసింహ నందమూరి బాలకృష్ణ ‘అఖండ’, ‘వీర సింహా రెడ్డి’ వరుసగా రెండు బ్లాక్ బస్టర్స్ కొట్టి ఫుల్ జోష్‌లో ఉన్నాడు. ఈ రెండు సినిమాలూ హైదరాబాద్ ఆర్టీసీ క్రాస్ రోడ్స్‌లో రూ. కోటి రూపాయల గ్రాస్ వసూలు చేయడం విశేషం. ప్రస్తుతం అనిల్ రావిపూడి దర్శకత్వంలో, షైన్ స్క్రీన్స్ బ్యానర్‌లో సినిమా చేస్తున్న సంగతి తెలిసిందే. బాలయ్య నటిస్తున్న 108వ చిత్రమిది.. 4 దశాబ్దాల సినీ కెరీర్‌లో ఇప్పటివరకు ప్రకటనల జోలికి వెళ్లని నటసింహం

ఇటీవల ప్రముఖ రియల్ ఎస్టేట్ సాయి ప్రియ కన్‌స్ట్రక్షన్స్ యాడ్‌లో నటించి మెప్పించాడు. ఇప్పుడు మరో పాపులర్ జ్యువెలరీ కంపెనీకి సంబంధించిన షూటింగ్‌లో పాల్గొంటున్నాడు. ఇటీవలే ఈ బ్రాండ్‌కి చెందిన అగ్రిమెంట్స్ కంప్లీట్ చేశారు. ‘అఖండ’ లో ఆడిపాడిన ప్రగ్యా జైస్వాల్, బాలయ్యకి జోడీగా నటిస్తోంది. హైదరాబాద్ రామోజీ ఫిలిం సిటీలో షూటింగ్ జరిపారు. ఈ యాడ్‌కి సంబంధించిన ఆన్ లొకేషన్ పిక్ ఒకటి నెట్టింట వైరల్ అవుతోంది.

చుట్టూ ఫ్యామిలీ మెంబర్స్ ఉన్నారు. బాలయ్య – ప్రగ్యాల నిశ్చితార్థం వంటి శుభకార్యం జరుగుతున్నట్టు తెలుస్తోంది.. సంప్రదాయ వస్త్రధారణతో పాటు లేటెస్ట్ డిజైన్స్ ఆభరణాలతో ఇద్దరూ ధగ ధగ మెరిసిపోతున్నారు. త్వరలో ఈ యాడ్ విడుదల కానుంది..

అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!

వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!