స్టార్ హీరో నందమూరి బాలకృష్ణ మాస్ సినిమాలలో ఎక్కువగా నటిస్తారనే సంగతి తెలిసిందే. దర్శకుడు సుకుమార్ తన సినీ కెరీర్ లో క్లాస్ సినిమాలను ఎక్కువగా తెరకెక్కించారు. ఈ ఇద్దరి కాంబినేషన్ లో సినిమా వస్తే అటు మాస్ ప్రేక్షకుల్లో, ఇటు క్లాస్ ప్రేక్షకుల్లో ఊహించని స్థాయిలో అంచనాలు ఏర్పడతాయి. బాలయ్య హోస్ట్ గా వ్యవహరిస్తున్న అన్ స్టాపబుల్ షోకు సుకుమార్, బన్నీ, రష్మిక గెస్టులుగా హాజరయ్యారు. నిన్నటినుంచి ఈ ఎపిసోడ్ స్ట్రీమింగ్ అవుతుండగా
ప్రేక్షకుల నుంచి ఈ ఎపిసోడ్ కు పాజిటివ్ రెస్పాన్స్ వచ్చింది. బాలయ్య రష్మిక సుకుమార్ తో కలిసి సామీసామీ సాంగ్ కు స్టెప్పులు వేయడం, తగ్గేదేలే అనే డైలాగ్ చెబుతూ తొడగొట్టడం, పుష్ప అంటే ఫ్లవర్ అనుకుంటివా ఫైర్ అంటూ డైలాగ్ చెప్పడం, డైరెక్టర్ సుకుమార్ ను సుక్కూ అని పిలుస్తా అంటూ బాలయ్య అడగడం నెటిజన్లను ఆకట్టుకుంది. బన్నీ సుకుమార్ డైరెక్షన్ లో కేవలం మూడు నెలల్లోనే సినిమా చేస్తానని చెప్పడం గమనార్హం.
దర్శకుడు సుకుమార్ సైతం బాలకృష్ణ అవకాశం ఇస్తే తాను డైరెక్షన్ చేస్తానని నవ్వుతూ చెప్పుకొచ్చారు. బన్నీ షోలోకి ఎంట్రీ ఇచ్చిన తర్వాత సైతం బాలకృష్ణ పుష్ప2 షూటింగ్ పూర్తైన తర్వాత తాను, సుకుమార్ మూడు నెలల్లో సినిమా చేయనున్నామని చెప్పారు. దసరాకు ఈ సినిమాకు కొబ్బరికాయ కొడతామని క్రిస్మస్ కు గుమ్మడికాయ, సంక్రాంతికి రిలీజ్ అని బాలయ్య పేర్కొన్నారు. ఆ కామెంట్ కు బన్నీ స్పందిస్తూ బాలయ్య చేతిలో పడితే కానీ సుకుమార్ సెట్ అవ్వరని సరదాగా చెప్పారు.
సుకుమార్ కు ఉన్న కన్ఫ్యూజన్ కు, నాకున్న క్లారిటీకి మూడు నెలల షెడ్యూల్ చాలని మూడు నెలల్లో వెండితెరపై బొమ్మ దద్దరిల్లాల్సిందే అని బాలయ్య చెప్పారు. మరి బాలయ్య సుకుమార్ కాంబినేషన్ లో నిజంగా సినిమా వస్తుందో లేదో తెలియాలంటే మాత్రం మరికొన్ని నెలలు ఆగాల్సిందే. బాలయ్య తర్వాత సినిమాలకు గోపీచంద్ మలినేని, అనిల్ రావిపూడి దర్శకత్వం వహిస్తున్నారు.
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
Home