చంద్రబాబు నాయుడు అరెస్ట్ కావడంతో టీడీపీలో పరిస్థితులు మారిపోతున్నాయి. చంద్రబాబు బెయిల్ పై ఎప్పుడు విడుదలవుతారు అనే ప్రశ్నకు సంబంధించి సమాధానాలు దొరకడం లేదు. రేపటి నుంచి పవన్ కళ్యాణ్ వారాహి యాత్ర జరగనుండగా బాలయ్య వారాహి యాత్రకు మద్దతు ప్రకటించారు. నా సోదరుడు, జనసేన పార్టీ అధ్యక్షుడు పవన్ కళ్యాణ్ నాలుగో విడత వారాహి విజయ యాత్రను ప్రారంభిస్తున్నారని బాలయ్య తెలిపారు. ఈ యాత్రకు పూర్తి మద్దతు తెలియజేస్తున్నామని ఆయన అన్నారు.
దెబ్బకు దెబ్బ కోతకు కోత ఉంటుందని కోర్టులు, కేసులు, జైలు శిక్షలకు ఏ మాత్రం భయపడేది లేదని బాలకృష్ణ పేర్కొన్నారు. అవినీతి చేయని వాడు దేవునికి కూడా భయపడడని సమాజమే దేవాలయం ప్రజలే దేవుళ్లు అని నాన్న సీనియర్ ఎన్టీఆర్ చెప్పిన మాటలను పూర్తిగా విశ్వసిస్తామని బాలయ్య అభిప్రాయం వ్యక్తం చేశారు. అసెంబ్లీలో తొడగొట్టి మీసం తిప్పితే వెళ్లి సినిమాల్లో చేసుకో ఇక్కడ కాదని అంబటి రాంబాబు నా వృత్తిని అవమానించాడని బాలకృష్ణ పేర్కొన్నారు.
అంబటి మీసం తిప్పితే రా తేల్చుకుందామని నేను మీసం మెలేసి తొడగొట్టానని తేల్చుకుందామని సవాల్ విసిరానని బాలయ్య కామెంట్లు చేశారు. నేను ఎవరికీ భయపడనని ప్రజా క్షేత్రంలో తేల్చుకుంటానని బాలకృష్ణ పేర్కొన్నారు. బాలయ్య చేసిన కామెంట్లు సోషల్ మీడియాలో వైరల్ అవుతున్నాయి. బాలయ్య త్వరలో భగవంత్ కేసరి సినిమాతో ప్రేక్షకుల ముందుకు రానున్నారు.
బాలయ్యను అభిమానించే ఫ్యాన్స్ సంఖ్య ఊహించని స్థాయిలో పెరుగుతుండగా భగవంత్ కేసరి మూవీ బ్లాక్ బస్టర్ హిట్ గా నిలవడంతో పాటు రికార్డ్ స్థాయిలో కలెక్షన్లను సాధించడం గ్యారంటీ అని అభిప్రాయాలు వ్యక్తమవుతున్నాయి. బాలయ్య రేంజ్ అంతకంతకూ పెరుగుతుండగా బాలయ్య సినిమాలన్నీ స్టార్ డైరెక్టర్ల డైరెక్షన్ లో తెరకెక్కుతుండటం గమనార్హం. బాలయ్య రాబోయే రోజుల్లో ఏ రేంజ్ లో సంచలనాలు సృష్టిస్తారో చూడాల్సి ఉంది.
స్కంద సినిమా రివ్యూ & రేటింగ్!
చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !
