స్టార్ హీరో నందమూరి బాలకృష్ణ గతేడాది అఖండ సినిమాతో భారీ బ్లాక్ బస్టర్ హిట్ ను సొంతం చేసుకున్న సంగతి తెలిసిందే. ఈ ఏడాది బాలయ్య నటించిన సినిమాలేవీ థియేటర్లలో విడుదల కావడం లేదు. అయితే బాలయ్య గోపీచంద్ మలినేని కాంబినేషన్ లో తెరకెక్కుతున్న వీరసింహారెడ్డి సినిమా 2023 సంవత్సరం సంక్రాంతి పండుగ కానుకగా థియేటర్లలో విడుదల కానుంది. 20 రోజుల షూటింగ్ మినహా ఈ సినిమా షూటింగ్ దాదాపుగా పూర్తైందనే సంగతి తెలిసిందే.
ఈ సినిమా తర్వాత బాలయ్య అనిల్ రావిపూడి కాంబినేషన్ లో ఒక సినిమా తెరకెక్కుతోంది. ఈ సినిమా పూర్తైన తర్వాత బాలయ్య వెంకీ కుడుముల కాంబినేషన్ లో ఒక సినిమా తెరకెక్కనుందని వార్తలు వినిపిస్తున్నాయి. చిరంజీవి వెంకీ కుడుముల కాంబినేషన్ లో ఇప్పటికే ఒక సినిమా తెరకెక్కుతున్న సంగతి తెలిసిందే. ఈ సినిమాపై భారీస్థాయిలో అంచనాలు నెలకొన్నాయి. వెంకీ కుడుముల డైరెక్షన్ లో తెరకెక్కిన ఛలో, భీష్మ సినిమాలు ఒక సినిమాను మించి మరొకటి విజయం సాధించాయి.
వెంకీ కుడుముల సినిమాలకు రికార్డు స్థాయిలో బిజినెస్ జరుగుతోంది. చాలామంది డైరెక్టర్లతో పోల్చి చూస్తే వెంకీ కుడుముల రెమ్యునరేషన్ కూడా తక్కువే కావడం గమనార్హం. బాలయ్య వెంకీ కుడుముల కాంబో మూవీకి సంబంధించి అధికారిక ప్రకటన రావాల్సి ఉంది. ఈ సినిమాకు నిర్మాత ఎవరనే ప్రశ్నకు జవాబు దొరకాల్సి ఉంది. బాలయ్య ప్రస్తుతం ఒక్కో సినిమాకు 25 కోట్ల రూపాయల రేంజ్ లో రెమ్యునరేషన్ ను అందుకుంటున్నారు.
స్టార్ హీరో బాలకృష్ణ తర్వాత ప్రాజెక్ట్ లు సైతం భారీ బడ్జెట్ తో తెరకెక్కుతున్నాయి. బాలయ్య యంగ్ జనరేషన్ డైరెక్టర్లకు ఛాన్స్ ఇస్తున్నారు. సక్సెస్ ట్రాక్ లో ఉన్న దర్శకులకు బాలయ్య గ్రీన్ సిగ్నల్ ఇస్తుండటంతో బాలయ్య అభిమానులు సైతం సంతోషిస్తున్నారు. బాలయ్య బోయపాటి శ్రీను కాంబినేషన్ లో కూడా ఒక సినిమా తెరకెక్కనున్న సంగతి తెలిసిందే.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
