గీతం విద్యా సంస్థల అధినేత, నందమూరి బాలకృష్ణ రెండో అల్లుడు మతుకుపల్లి శ్రీ భరత్ సినిమా ఇండస్ట్రీలోకి రాబోతున్నారు. గత కొంతకాలంగా బాలయ్య సినిమాలు, షోలకు సంబంధించిన వ్యవహారాలను ఆయన రెండో కుమార్తె తేజస్విని దగ్గరుండి చూసుకుంటున్న సంగతి తెలిసిందే. ముఖ్యంగా బాలయ్య గెటప్ లు, స్టైలింగ్ వంటివి ఆమె చూస్తున్నారు. అలానే తండ్రితో షూటింగ్ కి వెళ్తూ.. సినిమా నిర్మాణ వ్యవహారాలను పరిశీలిస్తున్నారు. త్వరలోనే ఆమె నిర్మాతగా సినిమాలు చేయబోతుందని ఇప్పటికే వార్తలొచ్చాయి.
బాలకృష్ణ కొడుకు మోక్షజ్ఞతో ప్లానింగ్ లో ఉన్న ‘ఆదిత్య 360’ సీక్వెల్ ను సొంత బ్యానర్ పై నిర్మించనున్నారు. దానికి తేజస్విని నిర్మాతగా ఉంటారని వార్తలొస్తున్నాయి. కానీ ఇప్పుడు లేటెస్ట్ న్యూస్ ఏంటంటే.. బాలయ్యతో బోయపాటి నిర్మించే సినిమాలో ఇరవై శాతం వాటాను తేజస్విని ఆమె భర్త భరత్ లకు ఉండేలా చర్చలు సాగుతున్నాయట. బాలయ్య-బోయపాటి సినిమాను 14 రీల్స్ సంస్థ నిర్మిస్తోంది. అలానే మరికొందరు కూడా ఈ సినిమా నిర్మాణ భాగస్వాములుగా ఉండాలని ప్రయత్నిస్తున్నారు.
ఆ సంగతి పక్కన పెడితే.. ఈ సినిమాలో ఇరవై శాతం పెట్టుబడి పెట్టడానికి తేజస్విని, ఆమె భర్త భరత్ ఆసక్తిగా ఉన్నారని సమాచారం. ఈ సినిమాను 2023 జూన్ నుంచి సెట్స్ పైకి తీసుకెళ్లే అవకాశం ఉంది. ప్రస్తుతం బాలయ్య నటించిన ‘వీర సింహారెడ్డి’ సినిమా సంక్రాంతికి విడుదల కానుంది. దీని తరువాత అనిల్ రావిపూడి సినిమాను పట్టాలెక్కించనున్నారు.
ఆ తరువాత బోయాపాటి సినిమా ఉంటుందని తెలుస్తోంది. వీరిద్దరి కాంబినేషన్ లో సినిమా అంటే ఏ రేంజ్ లో ఉంటుందో తెలిసిందే. ఈసారి ఎలాంటి హిట్ కొడతారో చూడాలి!
18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!
ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?
Home