టాలీవుడ్లో తనదైన స్టైల్ లో ఉద్వేగభరితమైన స్పీచులతో ఎప్పుడూ వార్తల్లో నిలుస్తుంటారు నిర్మాత బండ్ల గణేష్. తాజాగా మరోసారి స్టేజ్పై ఆయన తన మార్క్ చూపించారు. ‘బ్యాండ్ మేళం’ ప్రీ-రిలీజ్ ఈవెంట్లో మైక్ పట్టుకున్న ఆయన, తన ప్రత్యేకమైన ఎనర్జీతో స్పీచ్ ఇవ్వగా, ఈసారి ఆయన మాటల్లో పొగడ్తలు కాస్త ఎక్కువైపోయాయా అన్న సందేహం ఆడియన్స్లో కనిపించింది.
ప్రత్యేకంగా నిర్మాత కోన వెంకట్పై బండ్ల గణేష్ చేసిన వ్యాఖ్యలు సోషల్ మీడియాలో పెద్ద చర్చకు దారి తీశాయి. సినిమా కోసం తీసుకున్న రిస్క్ అభినందించదగ్గదని కొనియాడారు. సినిమా కోసం కోన ఆస్తిని తాకట్టు పెట్టారని, తాను అయితే ఆ పనిని ఎప్పటికి చేయను అని తెలుపుతూ, వ్యక్తిగా కోనను ఆకాశానికి ఎత్తేసిన ఆయన, అదే సమయంలో తన స్టైల్లో కొంచెం విభిన్నంగా మాట్లాడటం ఆసక్తికరంగా మారింది. ఇది నిజమైన ప్రశంసా? లేక స్టేజ్ ఎఫెక్ట్ కోసమేనా? అన్నది నెటిజన్లు మాట్లాడుకుంటున్నారు.
ఇండస్ట్రీలో పెద్ద హీరోలతో మళ్లీ కనెక్ట్ కావాలనే ప్రయత్నంలో భాగంగా ఈ స్టేజ్ స్పీచ్ ఉందా అనే టాక్ కూడా వినిపిస్తోంది. కోన వెంకట్ కు , ఇండస్ట్రీలో ఉన్న సత్సంబంధాలు ద్వారా కొత్త అవకాశాలు అందిపుచ్చుకోవాలనే స్ట్రాటజీ అయి ఉండొచ్చని సినీ వర్గాల నుంచి వినపడుతున్న టాక్. ఇంకా, స్టార్ హీరోల వారసత్వంపై చేసిన కామెంట్స్ కూడా మరోసారి వివాదానికి దారితీశాయి. కొందరినే ఉదాహరణగా చూపిస్తూ మాట్లాడటం ఇతర ఫ్యాన్స్కు నచ్చలేదు. మొత్తానికి, బండ్ల గణేష్ స్పీచ్ మరోసారి ఇండస్ట్రీలో హాట్ టాపిక్ అయింది.
ఈ మాటల వెనుక నిజమైన ఉద్దేశం ఏమిటి? ఇది ఒక ప్లాన్లో భాగమా? లేక కేవలం స్టేజ్ ఎమోషనా? అన్నది బండ్ల గణేష్ కి మాత్రమే తెలియాలి.
